Video
Read full review
2009-08-02
32 views
星期五，陽光普照，但間唔中都落吓啲失魂雨。友人J公幹前夕，與太座相約在中環晚飯，所選之處係位於怡和大廈嘅Miso。此店是眾多美心集團旗下食肆之一，不得不佩服伍氏家族經營餐飲業嘅能耐。此店提供日式料理，由壽司到鐵板燒，應有盡有。店內裝潢走中高格調，但價錢走大眾化路線，無怪乎晚市座無虛席。可惜，走唔出快餐店的感覺，太多人聲，聲浪大得令人有點頭痛。友人J與筆者各自嗌了鐵板燒套餐，太座則點了窩仔烏冬($100)。另外，大家額外叫了鹽燒雞翼($38)及雜錦天婦羅($115)。友人J嘅鐵板燒牛柳($178)，牛柳粒受熱不平均，導致某些過熟，食落又老又韌，有些則剛剛好，反映鐵板燒師傅技術水平幼嫩，處理牛柳粒未能得心應手。筆者嘅配搭係雞柳加銀鱈魚($165)，雞柳燒得尚算唔錯，肉質保持多汁嫩滑，加上五味粉吊味，效果是可以接受的；相反，銀鱈魚應當是魚油豐富，甘香肥美，但這些特質一律欠奉。魚肉味同嚼蠟，一點味道也沒有。本應比較容易處理嘅食物，但弄得如斯境地，令筆者「大開眼界」。食鐵板燒，炒飯是少不了。飯粒不太乾身，咬落亦不夠挺身，影響口感，不過飯是炒得蠻香的。窩仔烏冬材料有牛肉、冬菇、天婦羅炸蝦、一片日式
此店提供日式料理，由壽司到鐵板燒，應有盡有。店內裝潢走中高格調，但價錢走大眾化路線，無怪乎晚市座無虛席。可惜，走唔出快餐店的感覺，太多人聲，聲浪大得令人有點頭痛。友人J與筆者各自嗌了鐵板燒套餐，太座則點了窩仔烏冬($100)。另外，大家額外叫了鹽燒雞翼($38)及雜錦天婦羅($115)。
友人J嘅鐵板燒牛柳($178)，牛柳粒受熱不平均，導致某些過熟，食落又老又韌，有些則剛剛好，反映鐵板燒師傅技術水平幼嫩，處理牛柳粒未能得心應手。筆者嘅配搭係雞柳加銀鱈魚($165)，雞柳燒得尚算唔錯，肉質保持多汁嫩滑，加上五味粉吊味，效果是可以接受的；相反，銀鱈魚應當是魚油豐富，甘香肥美，但這些特質一律欠奉。魚肉味同嚼蠟，一點味道也沒有。本應比較容易處理嘅食物，但弄得如斯境地，令筆者「大開眼界」。食鐵板燒，炒飯是少不了。飯粒不太乾身，咬落亦不夠挺身，影響口感，不過飯是炒得蠻香的。
窩仔烏冬材料有牛肉、冬菇、天婦羅炸蝦、一片日式魚蛋、一隻煎蛋及菠菜。烏冬軟硬度剛剛好，牛肉亦鮮嫩味美；鹽燒雞翼燒得入味，鹽嘅鹹味將雞肉香味恰到好處地帶出來；雜錦天婦羅炸漿厚薄不一，食落淡淡的亦冇香味，吸油紙上嘅油漬，亦體現了廚師嘅功力。
埋單共銀六百三十蚊，平均每人二百一十蚊，差不多二百蚊就有天婦羅及鐵板燒食，是故前文謂之大眾化價錢。不過，要食有水準嘅日本料理，錢是不能慳的。
Post
