時新快餐店 (Closed)

我絕對係為左openrice 上九百幾個笑臉而來，久仰大名，專登去試下。位置唔近紅磡站，有一段距離，但經天橋行都ok. 舖位係天橋出口，易搵，店內位唔多。食左個豬柳芝士包配沙律汁，豬肉好香，好好食，芝士未溶仲係一片，汁頗多，唔錯。第二樣食個雙層牛肉芝士蛋包配黑椒汁，非常惹味，牛肉亦香，略嫌有少少太冧，但整體好好食。認為黑椒汁比default 既沙律汁香好多，亦唔辣。仲有薯條，不過不失，好耐冇食過茶餐廳既粗薯條。以咁平既價錢黎講，咁既質素，值。