Video
Read full review
2017-06-20
59 views
上環多左好多食肆，一般我以為都係restaurant and bar，今次就試左少見既韓國餐廳。餐廳用restaurant and bar既佈局，出面座位可供吸煙人士使用。bar係開放式既，客人可以選擇坐樓面既四方枱或bar seats。兩名妙齡美女招呼客人😍唔係特別肚餓，所以只叫左一份牛肉雪龍湯，鐵板雞飯同兩杯野飲。牛肉雪龍湯牛肉唔係餐牌上三花趾既部位，湯亦冇咁白，不過牛肉都唔算鞋，白蘿蔔煮得很入味，清新不膩，口感軟淋，友人同我都食左好多。湯是重中之重！清甜(大概因為落左好多白蘿蔔)，富牛味，白飯唔該！！為此，我特登search左雪龍湯既來歷。原來雪濃湯原名先農湯，係韓國先農祭時先會飲用。由牛腿骨以長時間熬製而形成乳白色的湯。味清而純，全因只用蔥和鹽調味。 鐵板雞飯雞肉非常嫩滑，醬油令我諗起三杯雞，不過佢會比較似甜燒汁多過豉油。空口食雖然好香，但會有d鹹，配飯就非常好。兩個主菜都有韓式泡菜：今次係青瓜仔，白蘿蔔同豆芽菜。店不似傳統韓國餐館供應免費的泡菜，如想吃可以係餐牌度叫泡菜拼盤。飲品係梅花秀梅酒同citron soju Mojito梅酒酒味好重，梅味後來先出現，和濃味既肉食會係好
餐廳用restaurant and bar既佈局，出面座位可供吸煙人士使用。bar係開放式既，客人可以選擇坐樓面既四方枱或bar seats。兩名妙齡美女招呼客人😍
唔係特別肚餓，所以只叫左一份牛肉雪龍湯，鐵板雞飯同兩杯野飲。
牛肉雪龍湯牛肉唔係餐牌上三花趾既部位，湯亦冇咁白，不過牛肉都唔算鞋，白蘿蔔煮得很入味，清新不膩，口感軟淋，友人同我都食左好多。湯是重中之重！清甜(大概因為落左好多白蘿蔔)，富牛味，白飯唔該！！為此，我特登search左雪龍湯既來歷。原來雪濃湯原名先農湯，係韓國先農祭時先會飲用。由牛腿骨以長時間熬製而形成乳白色的湯。味清而純，全因只用蔥和鹽調味。
鐵板雞飯雞肉非常嫩滑，醬油令我諗起三杯雞，不過佢會比較似甜燒汁多過豉油。空口食雖然好香，但會有d鹹，配飯就非常好。兩個主菜都有韓式泡菜：今次係青瓜仔，白蘿蔔同豆芽菜。店不似傳統韓國餐館供應免費的泡菜，如想吃可以係餐牌度叫泡菜拼盤。
飲品係梅花秀梅酒同citron soju Mojito
梅酒酒味好重，梅味後來先出現，和濃味既肉食會係好既配搭。店員會提供一杯冰，可自由選擇是否要on the rock。
Mojito酒味較輕，薄荷味反而更突出，配合柚子蜜，甜甜地又清新，適合女士們。輕輕一個便食，同朋友暢談一番，是寧靜又恰意的好地方。
Post
