Video
Read full review
2018-04-02
1715 views
咁我今晚就同女友食飯啦，每次唸食咩都係一樣非常頭痛嘅事情，解決頭痛有時會search 下openrice ，而有時又會問下d識食老友，咁今次老友就介紹左我e間酒鍋wor, 同我講話一定要試呀！咁緊要！咁就要試下啦！咁就係openrice 上面訂位啦！上到去啦，門口都係有排櫈俾客等位啦，跟住就望下佢個logo啦，個logo就真係幾有heart ，個人覺得佢設計得幾好，簡單得黎都帶 d新意，真係唔識字都知道佢有咩食呀！。好啦，跟住就店員安排入座啦！入到去啦！基本上餐廳個氣氛都以高檔次為主，燈光較為暗淡，但係每枱都會有個射燈射落張枱度，佢有室內同埋室外，主要都係室內為主，我入到去嘅時候都已經滿晒位啦，心唸好彩有訂位姐！好啦！等我地都睇下個餐牌先！咁首先就望下個湯底先，佢果個我原創五格鍋就真係真係非常特別呀！當我見到果個巨無霸芫荽鍋就真係口水都流埋呀！但係可惜就係女友唔係好鍾意果陣味啦！咁就最後都係無叫到啦！之後就再睇埋其他嘅配料，真心講就真係幾特別呀！見到個餐牌就真係樣樣野都想食，所以我地都叫左好多野食，希望最後都食得晒啦！咁點左菜之後，店員就附上混醬啦，我自己就最欣賞佢個xo 醬啦！我自己
上到去啦，門口都係有排櫈俾客等位啦，跟住就望下佢個logo啦，個logo就真係幾有heart ，個人覺得佢設計得幾好，簡單得黎都帶 d新意，真係唔識字都知道佢有咩食呀！。好啦，跟住就店員安排入座啦！
入到去啦！基本上餐廳個氣氛都以高檔次為主，燈光較為暗淡，但係每枱都會有個射燈射落張枱度，佢有室內同埋室外，主要都係室內為主，我入到去嘅時候都已經滿晒位啦，心唸好彩有訂位姐！好啦！等我地都睇下個餐牌先！
咁首先就望下個湯底先，佢果個我原創五格鍋就真係真係非常特別呀！當我見到果個巨無霸芫荽鍋就真係口水都流埋呀！但係可惜就係女友唔係好鍾意果陣味啦！咁就最後都係無叫到啦！之後就再睇埋其他嘅配料，真心講就真係幾特別呀！見到個餐牌就真係樣樣野都想食，所以我地都叫左好多野食，希望最後都食得晒啦！
咁點左菜之後，店員就附上混醬啦，我自己就最欣賞佢個xo 醬啦！我自己就加左xo 醬，蔥粒同辣椒粒啦！之後又周圍望下佢地d野，發覺間餐廳都真係幾有心思呀，連包濕紙巾都可以設計得咁靚，好過好多果d大酒樓呀！
蕃茄龍蝦拼椰子雞鍋
$408
35 views
0 likes
0 comments
好啦！湯底同配料都到啦！等我就介紹下先，鍋底我就選擇左蕃茄波士頓龍蝦拼椰子雞鍋，個鍋餐廳就係用左銅鍋，銅鍋嘅好處係除了美觀，佢有良好的導熱性與延展性。咁首先就望下個蕃茄龍蝦先啦，隻龍蝦爆晒膏，個湯裡面就重有d菇同蕃茄啦，而椰子雞就係雞肉係另上呀，湯底就非常清甜，我想就應該係椰子水啦，好啦，倒埋d雞落去而家就係等佢滾啦！咁係等佢滾果陣，d菜式好快好快咁樣一次過起晒俾我啦！
黃金炸魚皮
$68
35 views
0 likes
0 comments
首先係個金沙鹹蛋皇炸魚皮，鹹蛋黃炸魚皮近期就因為某d新加坡品牌成為左一個大熱潮，鹹香可口，又惹味。咁我地兩個見到e個咁正嘅小食，當然就趁熱即刻試啦，雖然會有少少熱氣，但係唔緊要啦，就真係鹹蛋味濃郁得多，有起沙口感，而且魚皮都非常非常脆卜卜， 淥一淥過一過湯都係咁脆！拍得住果隻鴨仔呀！
海鮮拼盤
$368
36 views
0 likes
0 comments
跟住就係海鮮拼盤啦，海鮮拼盤有海蝦，蟶子，扇貝同埋花甲。咁一上枱果下第一個感覺就係都放得幾靚，之後再望下望下原來係非常新鮮呀！因為我重見到隻蝦條蝦鬚郁呀！正所謂君子遠庖廚同埋感覺上好似佢成日係度望住我咁樣，於是我就極速放晒佢兩隻落去d湯度啦，之後就享用，佢個蝦頭超級鮮甜，另外個蝦身就超級爽口彈牙，完全係新鮮蝦先會俾到你咁樣嘅感覺，好正，蟶子啦！淥完之後縮埋水都重有好大條
同埋又係海鮮嘅鮮甜，e種鮮甜感覺上就算你只係用白開水黎淥一淥佢，只係食果種蟶子味道都已經好足夠啦！之後就到扇貝同埋花甲啦，扇貝就都係淥完都係咁大粒，而且係兩個都係咁鮮甜，e個海鮮拼盤根本就係一個鮮字咁簡單，真係強烈推介。
手工響鈴卷
$58
29 views
0 likes
0 comments
跟住就係安格斯牛頸脊啦，根本上打邊爐我覺得食牛肉最正就係牛頸脊啦，肉嘅質感同埋牛味完完全全好過肥牛幾班，而且牛頸脊自己係街市都幾難買得到，因此我出街打邊爐都好鍾意叫牛頸脊。今次叫e一款牛頸脊，賣相就已經無得輸，佢嘅賣相令到我唸起四川名菜晾衣白肉，見到之後就拿拿林試下先，如果唔係就攤熱佢啦！牛肉非常鮮甜，而且就真係非常有肉味，牛頸脊特點係油花如大理石紋，肉質鬆化鮮美，非常嫩口，所有特徵佢都出晒黎，唔需要點樣點d 豉油都已經出晒d鮮味，好快就俾我地兩個清晒啦！
安格斯牛頸脊
$188
20 views
0 likes
0 comments
安格斯牛頸脊
$188
39 views
0 likes
0 comments
之後就到個食餐火鍋都必食嘅響鈴卷，佢e個話係手工呀，就咁過一過個湯底就食得啦，食落去個口感就真係非常脆卜卜，再點埋佢個甜酸醬就真係一流啦！
跟住就到開心小企鵝啦，佢係一個企鵝仔就型嘅墨魚溝魚蛋，e度d手工造型嘅火鍋配料同點心都幾出名呀！所以就真係要試下，淥好左之後雖然有少少變型，但係食落去就真係幾重墨魚味，而且係非常彈牙，你感覺上係可以一次過享受到墨魚滑同埋魚蛋兩種菜式，唔錯唔錯。
開心小企鵝
$88
52 views
0 likes
0 comments
之後就係七星報喜啦，係七隻唔同味道嘅丸，女友都幾鍾意食e個，食下食下佢就食左4粒，我就食左3粒，分別我估計係係粟米，黑松露同蟹籽，而我女友就講唔出係咩味啦！！佢果d手打丸就真係絕對無得輸，粒粒都係咁彈牙同埋都好夠味，絕對就唔係交行貨。
7星報喜
$88
35 views
0 likes
0 comments
食左咁多肉，就當然要食返d菜啦！個蔬菜拼盤都幾足料，而且都砌得幾靚，有d典型嘅西式沙律菜例如係紅毛菜同九牙菜襯托，另外就重有南瓜，白菜，粟米心，菜心，西蘭花，津白同生菜等，真係一個名乎其實嘅拼盤呀，而且食落去d菜都好新鮮！食埋d菜就真係大滿足啦！
蔬菜拼盤
$68
23 views
0 likes
0 comments
最後就係飲品，打邊爐其實除左飲汽水都重有好多選擇呀！我地今次就選擇左兩杯cocktail! 分別係Lycee Energizer 同埋summer delight, Lycee energizer 就係荔枝汁再加薑汁味汽水，味道都係非常夾。而女友果杯summer delight 就係波羅，芒果同埋甘菊蜜嘅結合，口感就似沙冰，味道就唔會話太甜，但係就好出水果味。兩杯都唔錯。
SUMMER DELIGHT
$58
26 views
0 likes
0 comments
LYCEE ENERGIZER
$58
21 views
0 likes
0 comments
最後埋單都係每人600蚊左右，個人感覺其實食野就最緊要係食新鮮，特別係果d日本餐廳同埋火鍋店，咁e間餐廳就客似雲來，d貨就一定係新鮮啦，我最欣賞就係個海鮮拼盤同埋個牛頸脊，下次會約多幾個朋友黎試下個巨無霸芫荽鍋呀！
Post
