Video
Read full review
2018-05-08
1408 views
同朋友聚會我習慣去食中餐，今晚去左一間叫做聚點，如名所言，聚點即係聚會地點，相當貼題。地點就尖東Ｎ２出口附近，就算路痴朋友都不用絞盡腦汁搵地點。門口已經有一本餐牌，可以供客人一探究竟，由於我地太肚餓，直接入內去醫治我地既五臟腑。店舖相當乾淨，燈光明亮之餘都有熱情招呼，係現今茶餐廳已經戔戔之數。之後就開始點菜，經過一輪討論，最終點左以下五味菜式。粟米魚肚羹 要作羹而不能膩，故用粉以牽合之，呢間餐廳絕對明白呢句意思。因為好多餐廳茶樓煮出黎都係湯咁，但係今次終於食到一碗真正既粟米羹。羹入面粟米份量相當多，而且魚肚用左沙爆魚肚，油爆魚肚會有一陣陣油膱味。味道方面鹹中帶甜，更食到部分粟米，魚肚相當爽。埋芡方面由於師傅用左荸薺粉，口感嫩滑。但食既時候大家要小心，因為都幾熱。喜歡味道更多少少層次既朋友可以加少許胡椒粉。聚香雞 聚香雞係呢間餐廳既鎮點之寶，既然侍應哥哥咁推介，所以點左個例牌，打算一試變知龍與鳳。果然無令我失望，賣相方面相當公整，絕無翻刀，刀功一流。味道方面，首先雞肉當肥美其次雞肉鮮嫩多汁，應該用泡浸烹調技巧，外加食到微微酒香，麻油香。我個人覺得味道相當豐富，配白飯一流！如果想再開胃
地點就尖東Ｎ２出口附近，就算路痴朋友都不用絞盡腦汁搵地點。
門口已經有一本餐牌，可以供客人一探究竟，由於我地太肚餓，直接入內去醫治我地既五臟腑。店舖相當乾淨，燈光明亮之餘都有熱情招呼，係現今茶餐廳已經戔戔之數。之後就開始點菜，經過一輪討論，最終點左以下五味菜式。
粟米魚肚羹
要作羹而不能膩，故用粉以牽合之，呢間餐廳絕對明白呢句意思。因為好多餐廳茶樓煮出黎都係湯咁，但係今次終於食到一碗真正既粟米羹。羹入面粟米份量相當多，而且魚肚用左沙爆魚肚，油爆魚肚會有一陣陣油膱味。味道方面鹹中帶甜，更食到部分粟米，魚肚相當爽。埋芡方面由於師傅用左荸薺粉，口感嫩滑。但食既時候大家要小心，因為都幾熱。喜歡味道更多少少層次既朋友可以加少許胡椒粉。
聚香雞 聚香雞係呢間餐廳既鎮點之寶，既然侍應哥哥咁推介，所以點左個例牌，打算一試變知龍與鳳。果然無令我失望，賣相方面相當公整，絕無翻刀，刀功一流。味道方面，首先雞肉當肥美其次雞肉鮮嫩多汁，應該用泡浸烹調技巧，外加食到微微酒香，麻油香。我個人覺得味道相當豐富，配白飯一流！如果想再開胃少少，除了薑蓉同沙薑醬外，可以試下餐廳自家制既口水醬，相當開胃。
黃金蝦
黃金蝦我一直都情有獨鐘，陣陣鹹蛋香味令人食指大動，更係配飯最佳組合。侍應哥哥上菜後我已經急不及待去試，呢道菜再一次證明師傅絕對唔係交行貨。因為煮法，準備功夫都比較多
首先咬落口蝦殼脆口，因為蝦要走油，其次肉嫩爽甜，之後我食咁多隻都食唔到苦澀味道，苦澀味由於蝦腸無處理乾淨，最後食到好濃烈既鹹蛋味。絕對一流！個人食法最多連蝦殼都食。
因為經過油炸，已經鬆脆，所以連殼食都安全。
川椒辣子雞 川椒雞幾乎係潮州菜既代表，賣相方面都相當吸引，見到相當多辣椒，炸蒜及部分舖滿雞球，反而令我覺得少少似避風塘炒法。味道方面，雞肉係醃既準備功夫做得好足夠，唔會死鹹，略有辣味，更食到麻油味。絕對係畫龍點晴做法！就算經過油泡既處理都唔會食到好油膩既感覺，再回鍋混合辣椒，炸蒜，燈籠椒，洋蔥炒，然後變成一碟辣子雞。唯美中不足辛辣味太少。
西蘭花炒帶子 經典酒樓菜式，呢間餐廳都可以達到酒家水準，帶子唔會炒過頭，有咬勁。西蘭花有經過水煮既處理，但回鍋後都食到鮮綠既西蘭花，味道方面爽脆，絕對一流。
整體而言，菜式賣相，味道水準都十分平均，招呼一流。
Post
