Video
Read full review
2018-05-29
433 views
最近都成日好懶唔想煮飯，可能又開始熱啦⋯⋯ 等大少收工後，就出去搵埋佢一齊食飯啦！大少話想試呢間天機棧幾次，但上兩次同朋友過嚟walk in都滿哂，佢哋又唔想等，所以一直都無食到。呢晚就book定位去食啦！上到去剛剛有位，估唔到先七點零已經咁full ！我哋懶到死，所以決定就叫set dinner，$188 set都幾吸引呀！頭盤之前有個小食，我就揀咗大蝦，大少就揀咗鵝肝。兩樣都唔錯，尤其隻蝦，熱辣辣，味道都幾好呀！頭盤呢，我揀咗Ceasar Salad而大少就揀咗田螺薯蓉。個沙律我哋極速KO咗，而個田螺就MINI咗少少，所以都好快就食完喇～之後就嚟咗個湯，係龍蝦湯，但味道偏淡，店員一見到我飲幾口後就無飲都立即過嚟問我係咪個湯有咩問題。我覺得啲服務態度真係好好，好貼心 。佢都話要唔要同我轉另一個湯，但因為我都唔係好餓，所以就無轉喇！Main Course方面，我同大少就豬牛各一，可以Share嘛～ 西冷係8安士，我哋叫medium，切開都無失望嘅。而個黑毛豬配蘋果茸都好唔錯，外面煎得好香而內裡都好juicy ，如果多啲蘋果茸就更好！我哋有兩個餐，所以可以三樣甜品揀兩款。當然就揀心太軟同
上到去剛剛有位，估唔到先七點零已經咁full ！我哋懶到死，所以決定就叫set dinner，$188 set都幾吸引呀！
頭盤之前有個小食，我就揀咗大蝦，大少就揀咗鵝肝。兩樣都唔錯，尤其隻蝦，熱辣辣，味道都幾好呀！
頭盤呢，我揀咗Ceasar Salad而大少就揀咗田螺薯蓉。個沙律我哋極速KO咗，而個田螺就MINI咗少少，所以都好快就食完喇～
之後就嚟咗個湯，係龍蝦湯，但味道偏淡，店員一見到我飲幾口後就無飲都立即過嚟問我係咪個湯有咩問題。我覺得啲服務態度真係好好，好貼心 。佢都話要唔要同我轉另一個湯，但因為我都唔係好餓，所以就無轉喇！
Main Course方面，我同大少就豬牛各一，可以Share嘛～ 西冷係8安士，我哋叫medium，切開都無失望嘅。而個黑毛豬配蘋果茸都好唔錯，外面煎得好香而內裡都好juicy ，如果多啲蘋果茸就更好！
我哋有兩個餐，所以可以三樣甜品揀兩款。當然就揀心太軟同法式焦糖燉蛋啦，食到咁飽好在甜品唔會太大份，唔怕食唔哂～ 心太軟都係流心㗎！好好味！講真，呢個價錢就有咁多嘢食，服務又真係好週到，唔怪得咁多人幫襯呀～
Post
