東喜茶 (Closed)

作為東喜茶同喜茶既粉絲，緊係要試下將軍澳店新鋪啦，新鋪店員未熟手其實好正常，但係我冇諗過一杯茶要等40分鐘。。。其實真係諗過走算，問左兩次無啦啦有個四眼中年男人走埋黎同我講普通話，話”餓悶是糕只，筆筒嘜寄”嘩，你講乜呀，我土生土長香港人你無啦啦講普通話，仲要講到咁。。原來佢想講佢地高級，唔同快餐店。。。唉。。。好啦，終於飲到杯野啦，嘩，好淡。。。係d冰融晒。。。杯茶其實冇問題，係沖果條友有問題。。飲完就即刻走啦，此地不宜久留，走果陣都見到有d人唔等就走。。其實東喜茶唔夠人就請多d人啦，不過咁多間鋪總有良莠不齊架啦，唔會即刻失信心既，但係呢間branch就真係唔會再去啦。