雲來軒 (Closed)

曾見過報纸介紹雲來軒,螺頭湯用紫沙壺呈上幾吸引,所以星期五訂左台,但兩人枱少,我倆被安排坐近洗手間及茶水既路口位,全晚超－百人經過我身旁,非常滋擾,都幾掃興.但食物質數都算上乘而有心思.日本花菇雞腳燉螺頭湯, 用紫砂茶會盛載夠保温又精緻,鮮味濃郁.開水巴馬火腿白菜,選用最嫩既菜旦,而且菜吸入意大利火腿肉汁,正.迷網陳村咕嚕黑豚肉, 黑毛豬肉質香,配意大利陳醋味道較濃.生煎金沙龍皇帶子,視覺好大件,其實係用蝦膠和帶子煎香,蝦膠彈牙,帶子鮮甜,都係用意大利陳醋調味.30年新會陳皮紅豆沙, 齒頰留香既陳年陳皮, 名不虛傳.