冬蔭NOODLE (Closed)

朋友想食泰菜，今日去開尖沙咀買野就順便喺附近覓食。餐廳裝修都幾少女風😂以粉紅色藍色為主Menu除咗常見嘅冬蔭湯底，仲有其他特別d嘅船河同泰北烏汶湯底。不過朋友想食辣d，就叫咗個冬蔭湯底。可以揀肉類配料同海鮮配料，粉麵都有5款選擇。Menu幾靚，圖文並茂，清楚冬蔭公湯金邊粉我地加咗$10, 所以有3款肉類配料，quality都ok。雖然有兩隻辣椒，但湯底唔太辣，有冬蔭公嘅鮮味，好開胃，金邊粉煮得啱啱好。小食方面，叫咗炸蝦餅$68. 蝦肉彈牙，有鮮味，炸皮唔厚，好食。冇諗過個青木瓜海鮮沙律咁大份。雖然青口一般，但蝦同魷魚都幾彈牙好食的。木瓜絲刨得幼細，上面淋咗辣汁好惹味，唔錯！野飲方面，自己叫咗泰式玫瑰奶茶，入口係mix埋嘅玫瑰味同泰茶味，幾特別。朋友叫嘅蝶豆花茶，味道唔係好出，不過特別在落咗檸檬佢會變紫色。