BLT Steak (Closed)

請同事食生日飯揾間坐得舒服又唔洗等位嘅餐廳，知同事鍾意食牛，BLT Steak係不二之選。午餐時段食客不多，安排坐窗邊位置，有海景嘅午餐，可以輕鬆一下。自助沙律種類多，沙律菜新鮮，另有開胃小食，每款都味道不錯。餐包外脆內軟，口感似粉團非一般麵包質地。粟米湯偏鹹粟米味欠奉。點了五成熟，牛腹肉表面烤得焦香内裡粉紅鮮嫩，牛味濃肉質腍滑無渣。伴碟牛油果沙律味道不錯。芝士味濃，手製意通粉煙韌，蕃茄酸酸甜甜好醒胃。