Drink氣鍋

Open Now

Now Closed

朋友早幾日約我話補返我餐生日飯~仲話帶我食D特別既蒸氣鍋~但要去到火炭個邊為左食我係唔會嫌遠既~一於去試試佢餐廳既門面好似CAFE~我爭D走漏眼睇唔到內裡既裝修其實都算幾舒服自在，原來仲間唔中會有LIVE BAND架添每道食物所跟配既蔬菜都好特別，呢樣都係吸引到我地黎食既原因之一。例如龍躉件配花生芽、豆豉蒸扇貝會配蒜芯、蒸本地雞件配紫洋蔥、蕃薯蜆配波菜苗等等...我仲見到隔離枱有紫色椰菜花添~可見餐廳對於營養均衡方面都有關注到講返食物先，餐廳咁著重健康，所以佢地既食材都唔會落太多調味料，反而食到食物原本既鮮甜味道，呢樣都係值得一讚龍躉件剛好分配到多肉既部位俾我地，食落啖啖肉，根本唔需要豉油既點綴都已經好好食！扇貝都幾大隻，配上豆豉原來又幾唔錯喎 (本身個人唔鐘意食豆豉)~最值得一提既就係鮮拆蟹肉手工玫瑰花生豆腐啦~~佢個豆腐真係塑造成玫瑰花形，而由於佢係加入左蝶豆花去整，所以顏色係灰灰藍藍咁豆腐個質感就偏向結實，同我認知既豆腐質感完全唔同~豆腐入面亦都真係有滿滿既蟹肉，係一絲絲真材實料既蟹肉，唔係用蟹柳黎扮~結尾食埋個十六穀粥~既豐富又綿滑，為美妙晚餐寫上句號。