囍筷 (Closed)

支持本地良心小店！本身諗住去Via tokyo食甜品，突然發現隔離開左間台灣野！我地叫左一份鹽水雞跟魯肉飯，一份鹽酥雞跟拌面，兩杯四季春。呢間店主要行外賣路線，鋪面唔大，有個小小既bar枱比人放野食。先講下份鹽水雞，個賣相真係可以比一百分！事關佢好七彩繽紛，有好多唔同既配菜，秀珍菇，青瓜，紅蘿蔔，台灣香腸，煎蛋餅，青豆，紅薑絲，真係擺到成碗彩虹咁。至於食物既味道都十分出色，成日好怕出面既魯肉好肥，呢到既肥瘦程度就岩岩好，唔會太膩。鹽水雞都幾入味，雞肉都幾滑。然後到份鹽酥雞，賣相好似一粒粒爆谷咁，外脆內軟，炸得好香，唔會太乾。至於個面就可以再改良一下，面既質感硬左少少，無咩味，粗度不一，有時食到太粗既面就好似食緊一舊粉咁。最後講下杯野飲，呢個真係大讚！第一啖飲落去有茶既澀味，飲多兩啖就有少少甜味中和番，我諗底下應該加左蜜糖，令成杯野好有層次。價錢方面黎講呢間野好親民，係銅鑼灣黎講五十幾蚊食個lunch真係好抵，同埋份量好足，食完超級無敵飽！