燚館特色粉麵 (Closed)

今日晚飯想食米線就去咗燚館食，叫咗藥膳雞米線，小食叫咗仿鮑片，麻辣腎， 椒鹽燒賣，同埋最加醉牛展，加一杯凍柑桔蜜。首先主角藥膳雞米線 一定係重點推介，因為個湯底藥膳味好濃，飲得出冇味精，絕對係養生之選，而藥膳雞嘅雞件就好嫩好滑，同埋係雞髀肉，正！而追加嘅牛展又係好入味，另外叫嘅麻辣腎就好重麻辣味，鍾意食辣嘅朋友最啱，同埋我覺得好啱送啤酒。而仿鮑片就一貫水準，冇咩太大特別，而椒鹽燒賣又係香口同埋外脆內軟，點埋個醬汁食又係一流。