樂天皇朝 (利舞臺廣場) (Moved) New Location

其實之前都去過樂天皇朝其他分店，但呢間分店既裝修係特別花過心機，完全係旗艦店級別。裝修充滿中式格調，環境乾淨舒服。小籠包可以話係樂天皇朝既招牌菜式，不同顔色既小籠包，由淺食到深色，非常特別。小籠包一共有8種：正常原味、綠色既人參味、啡色既鵝肝味、黑色既黑松露味、黃色既芝士味、橙色既蟹粉味、灰色的蒜香味和紅色的麻辣味。其實每個小籠包既味道都唔算好濃，但都食到淡淡既鮮味。個人最中意黑松露口味，嗅覺同味覺都夾集住淡淡既黑松露香氣。蔥花皮蛋豆腐清爽開胃，豆腐非常嫩滑，皮蛋完全係入曬味，食落好清甜。瑤柱芙蓉賽螃蟹蛋白非常鮮甜及細嫩，瑤柱令無咩味道既蛋白增添多一分風味。四川抄手拌麵麵條有彈性，炒手超大舊，有半個拳頭咁大，而且入面係滿滿既豬肉。估唔到呢味平平地既麵咁好食，非常有驚喜。酸辣湯酸味同辣味適中，非常符合香港人口味。配料亦非常足，有大量冬菇、肉絲等。檸檬蘆薈桂花蜜食完豐富既一餐食呢個桂花蜜感覺健康d，無咁大罪惡感。味道清甜，有淡淡既桂花味，仲有蘆薈粒同杞子。