Grappa’s QRE

Open Now

Now Closed

好友為我慶祝生日，帶我去食意大利菜訂左8:15pm，準時到達餐廳，店員指食客未走，安排我地到高枱暫座，有位置時換俾我地。等左15分鐘，又有店員黎叫我地落單，再過10分鐘，再有另一店員問我地要唔要坐喺度食唔轉位... 咁我唔等都等左半個鐘...而且個子唔高ge我地坐高凳確實唔容易終於獲安排座位，馬上落單，食物上菜速度非常快未開始食餐包，意粉已經到了。前菜係CESTO di VONGOLE白酒煮蜆配蒜蓉包，看似平凡，但食落卻有驚喜。蜆肉肥美而且味道鮮甜，美中不足在有幾隻蜆有沙。蒜蓉包亦毫不吝嗇，每片麵包兩面都充滿蒜蓉，配合蜆汁食更加美味。FETTUCCINE ai QUATTRO FORMAGGI e FUNGHI芝士汁好creamy好香但唔會覺得好膩，菌味亦好香濃PIZZA alla SALSICCIA有得轉薄餅底，配料味道惼咸。我地眼闊肚窄，食左兩件就食唔到了，店員為我地分兩份帶走。最後當然唔少得甜品，TIRAMISU入口有好香杏仁味，中間手指餅唔會好濕，整體味道都不錯。