蕃茄仔

Open Now

Now Closed

銅鑼灣希雲街，就出名多嘢食㗎啦，今次試咗一間小店叫做番茄仔，估唔到又真係十分之有驚喜。顧名思義，呢間舖頭主打嘅當然係佢哋嘅蕃茄濃湯。今次叫咗一碗牛魔王番茄濃湯麵再加咗幾片雞胸肉。先講下個湯底個湯底，佢個湯底真係名副其實鮮茄濃湯。差唔多去到撈麵嘅程度，十分香濃。 佢嘅牛肉亦都十分有口感，肉味好香。另外佢嘅雞胸亦都有驚喜，佢砌咗薄片之後，煎香咗少少，唔會好似平時其他地方雞胸有好難咬開嘅感覺。唯一美中不足嘅就係店內唔供應清水，食咗咁多濃味嘅嘢有杯水飲下會好啲。