紅茶 (Closed)

今日約咗同事到紅茶午飯，之前食過好多次，質素有保證，諗住今日黎食應該冇衰。12:49落晒單，我叫左快餐焗意粉，亦知道焗既食物需要時間去等。點知等左半個鐘，其他同事既order已經到齊並且差唔多食晒，但係我個焗意粉仍然未到，所以向店員要求改單，轉做另一個快餐，煎豬扒飯。但係再等多左15分鐘左右，同事們已經食晒，但係我個餐仲未到，加上午飯時間將近完，所以唔等埋單走人。作為今年last既午餐，俾到我難忘既體驗，相信再好食再出名都唔會令我再幫襯👋🏼成間店樓面起碼有7、8人，但係服務可以咁令人失望。