Mirage Bar & Restaurant

Open Now

Now Closed

2021年12月25日 今年聖誕節選擇左在Mirage 享受聖誕大餐，今年推出期間限定聖誕套餐「MIRAGE 夢幻佳節醉人晚宴」， 有頭盤丶湯丶主菜丶甜品，及一杯氣泡酒。主菜係三選一，適合一些有選擇困難的人。頭盤係海鮮拼盤，有加拿大龍蝦丶法國生蠔丶菲律賓蜆。龍蝦唔算大隻，但係勝在有膏，生蠔和蜆肉好新鮮，湯就係牛肝菌忌廉湯，好香濃好好味。主菜方面有聖誕節一定見到嘅火雞，烤焗火雞胸伴火雞腿丸子，不過我哋無揀火雞。我哋選擇左澳洲和牛牛肩扒 和 松露配日本蘑菇意大利飯，牛扒一如以往咁好味，肉質鮮嫩。意大利飯陣陣松露味，最後到甜品，就係白朱古力雪球，造型好靚好吸引，雪球外滿佈椰絲，切開裡面係雜莓醬，唔太甜好味。對於今次聖誕大餐非常滿意，而且每位職員都好有禮貌丶親切，服務態度很好，雖然節日比較忙碌，但係保持專業服務態度。特別多謝Edward 和 Yan ，佢哋服務貼心。