龍璽酒家 (Closed)

假期冇得外遊，只可以留港本地遊。行山行得多，加上天氣又熱，今個禮拜返去室內行商場。明天氣好決定轉去天際100。到咗一個圈影下相請決定落去下邊食飯。老人家多，所以決定食中菜。最後揀咗龍璽。搭部高速升降機，一分鐘多啲就到101樓。外表金碧輝煌，裡面高樓底加上大玻璃，晴天下一片廣濶景觀，美像一幅畫。服務態度都幾好。係廁所有啲舊同細，但反而個景就最正，可以睇晒個九龍市景。至於食物方面，呢度食物質素可以的，尤其餐具及擺盤都有心思。最好的點心是那個蘿蔔酥，外脆內軟。價格當然相應會比較高，但偶然一次都可以接受的。