Akoya

Open Now

Now Closed

想同老公慶祝生日，朋友介紹吓嚟咗呢間居酒屋，地點方便。入到去環境都好舒服，裝修好日式，就連餐牌都係日文，感覺真係好似去咗日本咁。首先我哋叫咗個雜錦沙律，個汁好為個沙律加分，啲蔬菜真心好新鮮，粟米仔勁爽甜！跟住試咗個蔥鹽汁燒豬軟骨，豬肉同軟骨都好易咬，唔會好肥膩，加埋洋蔥就更加fresh。明太子蛋卷，不過不失，呢個價錢抵食。炭火串燒拼盤，自己最欣賞燒雞翼同埋雞肉，啲肉好嫩滑，又燒得夠香口。咁重點黎啦！呢個海膽汁燒蠔係我同老公強推，真係超級好食，海膽味好濃，蠔又夠肥美，好想再encore ！最後驚唔飽，叫咗個明太子牛油飯團，好香好實。然後食咗咁多嘢都$700有找，滿足！