喜來稀肉 (金巴利道)

Open Now

Now Closed

天氣涼涼地最適合食韓式燒肉, 再去覆桌吓呢間正韓燒。前菜有3碟酸蘿蔔、泡菜、酸瓜, 好大份，最鐘意泡菜, 食左兩碟, 酸蘿蔔調味剛剛好, 開胃, 唔會太酸。牛護心肉一黎馬上叫碟牛護心肉, 本人鍾意5成熟, 入口鮮嫩, 有口感, 而且又有牛味。最重要係有一定厚度，吾容易overcook，兼可以鎖住肉汁。靚既牛肉即使稍為熟都吾會太影響質素，生熟度可按個人喜好控制。真雪花牛肉呢碟係其中個碟最期待既牛，份量好足, 每塊厚度十足，脂肪分佈均衡，比少少鹽就可以帶出肉味。護心肉呢碟係其中一碟最值得推介既燒肉, 護心肉原來係位於豬的橫隔膜和肝之間，每隻豬只有二百至三百克，極為矜貴。喜來稀肉呢碟護心肉燒香後油分均勻，口感爽滑彈牙。喜來五花肉五花肉既驚喜黎自醃肉既醬料，厚厚既五花肉，燒完吾覺肥膩，啖啖肉，完全吾比牛肉失色。生米酒有氣米酒，有蘇打氣泡，加米酒香，配燒肉一流。