Video
Read full review
2022-03-27
42 views
福岡漢堡扒 漢堡扒呢樣野真係豐儉由人，好嘅-每啖都充滿汁水與脂香，係極級體驗。差嘅-每啖都如紙皮般乾柴，連垃圾都不如。而呢間漢堡扒專門店，最終質素如何都取决於你嘅雙手。 聽到個名有「福岡」兩個字，又專買·和牛·漢堡，十個人有九個都會覺得係來至日本，咁恭喜你，完全中哂計啦。其實佢係韓國嘅過江龍店fukuoka hambageu，聽完個英文名係咪覺得韓風重咗好多呢？fukuoka hambageu 創立後，8年內已經喺韓國多區設有多間分店，仲有埋特許經營商。而登陸香港尖沙咀後，店舖都同韓國冇乜分别。入到去都見到每個位都有個燒肉店先見到嘅迷你抽氣煙囪，但座位都係比較緊迫，full house嘅時候一定好震撼。 食物選擇同韓國當地大致上相同，有最主要嘅自己燒漢堡扒餐，漢堡扒嘅size有得自己揀大中細。多人食可以叫多個飯，亦可以叫有扒有飯嘅套餐，有選擇困難症嘅你都有福了。 兩人套餐(ver.4) 套餐有四個version，但食完先發覺兩個人叫套餐就真係太飽了。大家可見到，每人都有一大球肉餅，仲有碗大飯，cp值就中上啦。 一大塊牛肉球我就用鐵鏟仔分到10-15小片出黎，再將佢放入232度嘅岩石上燒
漢堡扒呢樣野真係豐儉由人，好嘅-每啖都充滿汁水與脂香，係極級體驗。差嘅-每啖都如紙皮般乾柴，連垃圾都不如。而呢間漢堡扒專門店，最終質素如何都取决於你嘅雙手。
聽到個名有「福岡」兩個字，又專買·和牛·漢堡，十個人有九個都會覺得係來至日本，咁恭喜你，完全中哂計啦。其實佢係韓國嘅過江龍店fukuoka hambageu，聽完個英文名係咪覺得韓風重咗好多呢？
fukuoka hambageu 創立後，8年內已經喺韓國多區設有多間分店，仲有埋特許經營商。而登陸香港尖沙咀後，店舖都同韓國冇乜分别。入到去都見到每個位都有個燒肉店先見到嘅迷你抽氣煙囪，但座位都係比較緊迫，full house嘅時候一定好震撼。
食物選擇同韓國當地大致上相同，有最主要嘅自己燒漢堡扒餐，漢堡扒嘅size有得自己揀大中細。多人食可以叫多個飯，亦可以叫有扒有飯嘅套餐，有選擇困難症嘅你都有福了。
兩人套餐(ver.4)
套餐有四個version，但食完先發覺兩個人叫套餐就真係太飽了。大家可見到，每人都有一大球肉餅，仲有碗大飯，cp值就中上啦。
一大塊牛肉球我就用鐵鏟仔分到10-15小片出黎，再將佢放入232度嘅岩石上燒熟。但岩石一上枱仲熱過滾水嘅兩倍， 容易燒燶，建議放多一陣再燒，唔夠熱可以叫職員換石。
牛肉本身都已經有足夠油份，所以唔洗好似燒肉咁加油先再燒，但肉放得耐咗都會黐底。經過無數嘅失敗同黐底，我發現咗個最高嘅燒法：
- 熱石上枱後放一陣，再用鐵鏟分一舊仔，再放入岩石壓扁(要手快如果唔係會黐著個鏟)。
- 煎到一面變得有焦皮時，用筷子同鏟雙手調反轉塊肉，再快速煎至變色即可(呢面唔洗煎到有焦皮，如果唔係會過熟。加上佢咁大膽放舊生嘅組合肉俾你，品質唔會差得去邊，除非佢想食死人，內裏微生都得。)
跟咗以上嘅方法之後(p.s.一定唔係最好嘅食法，以上只供參考)，應該會有一面焦燶嘅脆皮，一面乃保留漢堡肉本身嘅嬌嫩。內裏微粉而有澎湃嘅汁水，肉味香濃而脂香在你口腔中四處飄散。
下面嘅蛋似係爐邊燒蛋，要襯仲有蛋汁嘅時候就要食咗佢，尤其係吸收咗肉嘅油份。配有淡味甜醬油，鹽，麻醬生椰菜同泡菜，用作解膩。如果沙津有多D唔同款式嘅蔬果就更好。
芝士泡菜豚肉丼飯
話明二人份，肉量都唔少架。望落紅潤，肉片薄透，偏向肥腻，但辣醬非常香口，加埋熱溶芝士/椰菜/泡菜後口感意外地圓潤平衡，非常之下飯，可以一試。
芝士蛋蒜和牛漢堡扒(中)
5 views
0 likes
0 comments
芝士泡菜豚肉丼飯
8 views
0 likes
0 comments
Post
