Video
Read full review
2022-04-18
393 views
提早兩星期透過KKday買咗兩套「櫻花下午茶套餐（兩位用）」🌸，$768/set，total $1536💸💸 終於到咗星期日，一行四人去咗香港四季酒店嘅The Lounge歎吓afternoon tea🌸 順便提早同朋友慶祝生日🥳 其實酒店另一邊嘅大堂有個新啲嘅Gallery都可以歎afternoon tea，不過之前去過一次The Lounge，當時有人彈奏鋼琴，感覺良好，印象深刻，同埋呢邊嘅櫻花主題啱晒我哋四個女仔打卡，所以就揀返The Lounge❣️🌸🌸🌸 話說我早少少去到坐低先，一見到menu變咗Easter set⁉️ 我即刻問清楚waitress有無俾錯我，因為我明明係book咗櫻花下午茶🌸 點知原來因為臨近Easter🐣，所以變晒做呢個Easter set，勁失望，因為冇人通知過我，其實個🐣menu只係轉左部份食物，但係作為一間五星級酒店，餐點臨時有變，提早通知客人係好基本要做嘅事，如果客人真係唔啱食都可以一早有心理準備轉場，而家嚟到你先話我知，唔啱食都要焗住食啦…… 最有趣嘅係經理竟然offer幫我book過另一日嚟食返「櫻花」，換言之叫我哋今日走先，好ridicu
終於到咗星期日，一行四人去咗香港四季酒店嘅The Lounge歎吓afternoon tea🌸 順便提早同朋友慶祝生日🥳 其實酒店另一邊嘅大堂有個新啲嘅Gallery都可以歎afternoon tea，不過之前去過一次The Lounge，當時有人彈奏鋼琴，感覺良好，印象深刻，同埋呢邊嘅櫻花主題啱晒我哋四個女仔打卡，所以就揀返The Lounge❣️🌸🌸🌸
話說我早少少去到坐低先，一見到menu變咗Easter set⁉️ 我即刻問清楚waitress有無俾錯我，因為我明明係book咗櫻花下午茶🌸 點知原來因為臨近Easter🐣，所以變晒做呢個Easter set，勁失望，因為冇人通知過我，其實個🐣menu只係轉左部份食物，但係作為一間五星級酒店，餐點臨時有變，提早通知客人係好基本要做嘅事，如果客人真係唔啱食都可以一早有心理準備轉場，而家嚟到你先話我知，唔啱食都要焗住食啦…… 最有趣嘅係經理竟然offer幫我book過另一日嚟食返「櫻花」，換言之叫我哋今日走先，好ridiculous，我哋四個人好難先夾到日子時間聚埋一齊，個經理竟然認為我哋可以好輕易再夾到日子隨時過嚟😂😂😂 不過我都費事再糾纏落去，加上啲朋友都就嚟到，咁我就同佢講唔緊要啦，我哋照食呢個都OK，個經理知道我哋慶祝生日，之後都好好禮貌咁free咗四杯sparkling wine俾我哋。🥂
Easter Tea Stand Seletion🐣
Savoury有4款，甜點有5款，仲有兩款scones😋我已經盡咗力影得佢無咁普通😂🙈
老實說，賣相好一般🙈 真心失望😅 不過唔緊要，我哋俾啲信念，d嘢食可能真係好好味呢係咪先！！！
Savoury 🍞🌮🥪
咸點方面，我本人就最鍾意鵝肝醬核桃麵包，配左啤梨醬同蘋果啫喱，酸酸甜甜咁，有啲越南式法國風味🤭 其他都一般般，冇乜味，食完都冇乜印象嗰種。Sweet 🍰🍫🍩
甜點方面，朱古力忌廉伴青檸吉士比較好，朱古力香濃幼滑，味道濃郁，配上青檸味酸酸甜甜咁，一咬開脆皮嘅朱古力外殼，就覺得好fresh。其餘都係好一般，不值一提。Signature Scones❤️
我哋今次嚟Four Seasons最期待嘅就係佢嘅scones😍😍😍 有兩款口味，一款係plain scone，另一款係raisin scone。望住已經覺得好吸引，好重牛油香，又焗到金黃色😍 做到外脆內軟，咬落好鬆軟❣️😋😋😋 配埋Devonshire cream同四季嘅Homemade jam食，超好味❣️❣️❣️ Devonshire Cream and Homemade Jam🤍💜🧡
個clotted cream好正😋😋😋 仲有兩款jam，各有各好，我比較喜歡右邊嗰款燈籠果杏桃醬，清新d，唔會太甜。😋另一款野莓果醬都唔差㗎❣️😋
📍服務質素尚可，其實員工服務態度唔錯，好有禮貌，不過如果佢哋識得諗多一步嘅話，會令客人滿意好多😓😅 鹹點同甜點比起我上一次嚟差咗，賣相又唔靚，好失望😓😓 好彩scones保持到水準，救返好多分😋😆 為咗佢嘅scones我有機會會再回頭🤭
Post
