Video
Read full review
2023-01-01
442 views
1月1號第一個活動竟然係約咗去打保齡，呢個運動幾時變咗我嘅新常態？去得銅鑼灣梗係順道要去大坑食早餐啦，本身鐵腳係炳記，好可惜佢放假。聽我表妹講呢度嘅早餐同炳記不遑多讓，價錢又一樣（都係$42）叫我去試吓。咁就好啦，咁啱有機會😅平時去開炳記叫開奶油多、火腿煎一隻、熱奶茶。呢度同樣價錢變咗一件多士、兩塊火腿、兩隻蛋。性價比喺呢度高啲嘅～只可惜質素我就真係覺得銘炳記吸引我多啲囉。第一係佢嘅大排檔格局，可能情意結，都係覺得炳記有味道啲。第二係佢杯奶茶又係大杯過炳記，不過味道就⋯⋯⋯🫣仲要用紙杯，風味都冇埋😞第三係佢件多士轉左粒粒花生醬要加成$6咁多。火腿蛋雖然炳記每一樣都係逐樣加錢冇套餐，但係份量真係唔使咁多，好味就得啦。食完先諗翻起其實我之前好似有外賣過佢杯奶茶，點解我諗唔起㗎？😞新一年第一餐就咁樣⋯⋯
1月1號第一個活動竟然係約咗去打保齡，呢個運動幾時變咗我嘅新常態？
去得銅鑼灣梗係順道要去大坑食早餐啦，本身鐵腳係炳記，好可惜佢放假。聽我表妹講呢度嘅早餐同炳記不遑多讓，價錢又一樣（都係$42）叫我去試吓。咁就好啦，咁啱有機會😅
平時去開炳記叫開奶油多、火腿煎一隻、熱奶茶。呢度同樣價錢變咗一件多士、兩塊火腿、兩隻蛋。性價比喺呢度高啲嘅～只可惜質素我就真係覺得銘炳記吸引我多啲囉。
第一係佢嘅大排檔格局，可能情意結，都係覺得炳記有味道啲。
第二係佢杯奶茶又係大杯過炳記，不過味道就⋯⋯⋯🫣仲要用紙杯，風味都冇埋😞
第三係佢件多士轉左粒粒花生醬要加成$6咁多。
火腿蛋雖然炳記每一樣都係逐樣加錢冇套餐，但係份量真係唔使咁多，好味就得啦。
食完先諗翻起其實我之前好似有外賣過佢杯奶茶，點解我諗唔起㗎？😞
新一年第一餐就咁樣⋯⋯
早餐A (轉粒粒花生醬多士）
$42
26 views
0 likes
0 comments
Post
