Video
Read full review
2024-01-06
383 views
青衣 📌泰作貴為一月之🌟 今個月我會瘋狂食生日飯。 先多謝閨蜜 ( 相識 2x 年) 同我食生日嘅第一餐， 每次同你都有講唔完嘅話題 💙🦐 泰式生蝦刺身 $118生蝦夠大隻，夠厚肉， 生蝦辣汁亦惹味，同蒜頭一齊食不得了，整體賣相、味道都唔錯 😋🍢 炭燒泰式串燒 $82至於串燒真係好乾爭爭，乾到阿媽都唔認得😑 應該係燒完之後凍咗，接著再燒過， 所以又乾又韌，食食下我同閨密都反白眼，應該係我食過最乾嘅串燒😑 應該係乾過我甩緊皮嘅咀唇。🥬香辣肉碎生菜包 $98生菜包用豬油爆過，用紫洋蔥再炒，而碎肉亦都好juicy，有一些泰國餐廳係比較吝嗇生菜，但係佢嘅生菜🥬 係大大塊，最重要係好新鮮，呢一個生菜包係必食。🍆金不換豬頸肉炒茄子 $98呢個又係食！我幾乎食咗三分二😆 一來，我好鐘意食矮瓜 🍆 二來，豬頸肉好嫩，肉汁好juicy; 三來，真係炒得好香，個醬汁好惹味，正斗！🥥 班蘭椰汁QQ彈 $48首先我覺得個性價比爭d， 成個感覺就係椰子冰 ( 因為真係好多冰 ) 聲稱入面有嘅 QQ， 但係啲QQ 係冇味嘅。🍯焦糖泰茶沙冰 $48呢個泰茶嘅甜品我覺得都幾出色， 呢個甜品係可以當飲品， 泰茶味道係好
貴為一月之🌟 今個月我會瘋狂食生日飯。 先多謝閨蜜 ( 相識 2x 年) 同我食生日嘅第一餐， 每次同你都有講唔完嘅話題 💙
🦐 泰式生蝦刺身 $118
生蝦夠大隻，夠厚肉， 生蝦辣汁亦惹味，同蒜頭一齊食不得了，整體賣相、味道都唔錯 😋
🍢 炭燒泰式串燒 $82至於串燒真係好乾爭爭，乾到阿媽都唔認得😑 應該係燒完之後凍咗，接著再燒過， 所以又乾又韌，食食下我同閨密都反白眼，應該係我食過最乾嘅串燒😑 應該係乾過我甩緊皮嘅咀唇。
🥬香辣肉碎生菜包 $98生菜包用豬油爆過，用紫洋蔥再炒，而碎肉亦都好juicy，有一些泰國餐廳係比較吝嗇生菜，但係佢嘅生菜🥬 係大大塊，最重要係好新鮮，呢一個生菜包係必食。
🍆金不換豬頸肉炒茄子 $98呢個又係食！我幾乎食咗三分二😆 一來，我好鐘意食矮瓜 🍆 二來，豬頸肉好嫩，肉汁好juicy; 三來，真係炒得好香，個醬汁好惹味，正斗！
🥥 班蘭椰汁QQ彈 $48首先我覺得個性價比爭d， 成個感覺就係椰子冰 ( 因為真係好多冰 ) 聲稱入面有嘅 QQ， 但係啲QQ 係冇味嘅。
🍯焦糖泰茶沙冰 $48呢個泰茶嘅甜品我覺得都幾出色， 呢個甜品係可以當飲品， 泰茶味道係好出， 而且唔係死甜， 所以我都幾鍾意。
🍓士多啤梨西米露 $38呢個士多啤梨嘅甜品入面有西米露，同埋有啲質感好似真多冰入面嘅蒟蒻，味道不過不失。
🔅總括嚟講，呢間泰國餐廳啲嘢食係唔錯嘅，但係絕對有進步 & 改善嘅空間。見唔少食評話佢哋服務差，我個人認為主要係甩甩漏漏比較多，例如説成間餐廳冇Napkin (話因為未到貨); 食完嘢冇畀牙籤客人，又例如枱布抺完枱張枱會仲有陣味 ...etc 另外就係有件小插曲，話說門口有張長枱有幾個位，由坐低已經見到有個女人開住部電腦工作 ( 相信係餐廳負責人)， 隔離仲有一個少女，食咗個幾鐘，大概食到九點幾，突然間個女人大力拍枱，鬧一個小員工: [ 你唔好咁嘅樣！ ] 當堂我嚇咗一下！ 跟住對住同枱嘅一個少女講: [ 你都係] 。 好老實講係自己間餐廳內吵鬧，其實都好失禮，亦都冇必要！ 家醜都不應外傳 ~ 打仔鬧仔應該都唔好喺客面前做~ 自己管理都出現問題 ，EQ底又點會有好嘅服務比客人？💭 期待你哋各方面 改善 & 進步 ~
Post
