泰作

Open Now

Now Closed

朱古力飲品非常有特色，隻杯又美麗。雖然喺室內但環境優美，周圍嘅花草怡人，令人有鳥語花香的幻想。您好我最欣賞就係泰作的白飯非常大碗，只係食一碗已經好滿足，值得再黎食。

食物質素好、 豬手好淋入味 、 柚子沙律好新鮮 、份量合理、跟餐飲品加十零蚊就有, 椰汁冰色香味俱全 、服務人員有禮貌、上菜上得快，唔會等到凍哂，一斑人黎食嘢傾計好合適，值得再試😊

下午茶套餐，兩餸車仔撈檬加一杯熱檸水都係48蚊咋，都算幾抵食。雞中翼都有3隻同埋炸得都幾好味，墨魚丸都尚可啦當然都係雞中翼好味啲。檬粉味道正宗，就來春天了當然要食啲清爽嘅嘢啦。下午茶推介檬粉同雞中翼，值得一試。

意想不到咁好食，最鍾意青咖喱牛腩，送飯真係一流，牛腩好腍，仲有我最鍾意食嘅牛筋，金邊粉都唔錯，好開胃👍🏻，我會推薦埋馬拉盞通菜，個人食過咁多泰國菜覺得呢間真係幾還原。

我哋今日午餐需要極速享用，一出地鐵站，就發現有間餐廳，環境非常舒適，裏面又多人客，價錢都合理，所以諗住試吓，然後再坐地鐵，地點位置剛剛好。另外諗住叫個快嘅餐，其實不大期望，想吾到，這次極速享用青咖喱牛腩飯，味道出奇地好，啲汁超級好餸飯，忍唔住全部食晒差唔多，值得五星。

海南雞飯好味同豬包好正，環境非常有特色，地方清潔，飲品好味道，特別是泰色特飲，還有其他花茶，真是好特別，好多選擇。值得再來食，員工服務有善同非常願意提供所需服務。

未試過食一間香港餐廳咁差叫咗一個明爐烏頭(門口個人似老細 喺度同我哋講佢係招牌)食落口係臭嘅 未試過食一條烏頭係有陣坑渠味一拆開嚟睇 條魚入邊係黑色爛咗嘅即刻叫個侍應過嚟 個侍應都嚇親即刻拎走咗 佢應該怕我哋影低做罪證跟住換咗碟海南雞俾我哋如圖 恕我做咗20幾年人真係未見過一碟海南雞係甩皮甩骨到咁 大家樂都至少係一碟完整嘅雞😅仲要啲肉又係鞋嘅 又係冇味 一睇就知冰鮮雞仲要見到門口似老細個人喺度砌緊canva 應該另一間食材店嘅招牌海報你咁無良就唔好學人做食肆啦

海南雞飯油飯生既，通菜正常，但份量細。燒魷魚都生生地，其他幾個餸都唔好食，士多啤梨刨冰收咁既價錢得啫喱杯咁細杯，得果醬，一粒士多啤梨都冇，黎到都嚇親咁既價錢唔會再食

服務態度差，同個老闆娘order完任何嘢佢都只係會敷衍你，唔會同你follow落去，其他侍應又舉手舉咗5分鐘都唔會睬你，態度奇差之後叫咗個二人餐，份量少到我自己一個都食得晒，甜品叫咗湯圓，二人餐比三粒我哋，係咪傻X咗？嚴重懷疑設計Menu條友唔係有厭食症就係明知一人餐都夾硬話係二人餐，博你哋班水魚要再叫另外嘅嘢食。食物質素一般，金邊粉垃圾，魷魚串燒好韌，二人餐再另外加金邊粉，埋單$422，感覺我去隔離食KFC仲好食同抵食過佢，永不錄用

我們點選了一個二人套餐，包括兩吋魷魚串燒、半隻海南雞、和炒金邊粉。海南雞OK炒金邊粉味道雖然還好，不過份量真的太少，一個人也不夠飽。第一個疑惑是二人套餐竟然沒有包括飲品？ ！第二個疑惑是二人套餐竟然只包括一碗甜品？！甜品送來的時候，當我們覺得有點懷疑的時候，禮貌地詢問店員，為什麼只得一碗甜品？店員說由於份量很大，適合二人share 。我們看到甜品的份量不禁慨嘆，這碗甜品連一個正常的飯碗也沒有，大概只有五啖的份量，五啖份量的甜品還要二人share嗎？其實甜品的成本也不高，為什麼這樣對待客人呢，大家吃得開心不好嗎？

今日係餐廳叫左一份炒金邊粉，一份馬拉盞炒通菜。所有野都好普通，又貴。完全唔值呢個價錢。仲要唔熱，淨係暖，唔熟，份量少！？啲菜叫左少咸少油，又咸又油又難食。仲要生生地，又唔熱。金邊粉啲蝦都係用急凍蝦，完全冇蝦味，仲要一啲都唔彈牙。啲粉又冇擺位。杯水又污糟，仲要有一層油係上邊！仲要收加一，張檯又冇餐具，又係俾QR Code自己落單，買單又要自己行出去，都唔明收咩加一！！！！？？？真係寧願去隔離食KFC！！千乞唔好去呢個商場唔洗排隊嘅餐廳

星期六下午，選了兩份午餐，一份泰式海南雞拼無骨豬手飯，一份青咖喱雞飯，配檸檬茶，沒想到，無骨豬手淡而無味，海南雞鞋口，咖哩雞十分乾，白飯硬到似生米般，檸檬茶草草兩片檸檬，食物同飲品質素比快餐更差，超揾笨，令人感到非常失望，永不會再有下次。

行到附近是但搵間野食，見唔洗排好耐就等尼間。個落單app超廢，卡到不得了又碌得唔𣈱順，唔知load咩，勁慢，頂唔順叫侍應比餐牌黎再搵佢落單。叫左個菠蘿炒飯、燒豬頸肉、牛柳沙律、泰式奶茶。所有野都唔熱，只係暖。菠蘿炒飯唔係原個菠蘿，只係有3舊為1串，1碟有2串，凍到好似菠蘿冰咁，d炒飯只係微暖，有3粒蝦仁又係凍既。燒豬頸肉，質素正常，但都係暖。牛柳沙律，牛柳未切，但沙律洋蔥比例最多，得幾粒青瓜同半粒車厘茄。泰式奶茶，味好濃，但好細杯。我都已經冇興致影相，亦唔值得我影。

夜晚見呢間餐廳對比其他餐廳唔多人，就入去試吓人手唔夠，入座後等咗5分鐘左右都未有QR Code可以落單，得嗰2、3個人做叫咗個海南雞飯，啲雞完全無雞味，仲要唔係熱辣辣嘅加咗錢諗住試佢哋新嘅燒雞鎚，啲雞鎚又細，又係無雞味，得啲醃料味，好咸☹️出餐速度尚可接受，但係奈何啲嘢食唔夠熱，無咩味，仲要唔平......

不要來這家餐廳！食物很難食，吃了一些炭烤豬頸肉和冬陰功面湯。結果我胃痛得很厲害，嘔吐得很厲害。豬肉不新鮮，聞起來很臭，湯的味道也很難飲。我告訴她這件事，她否認對食物有問而且態度很差，非常不道德。你們被警告了！