Video
Read full review
2021-02-12
126 views
一年一度給自己的慰勞宴, 一定要食最好的, 今年選了近期大熱的位於銅鑼灣地鐵站出口的鮨逸, 地理位置十分方便, 鮨逸走高質日菜路線, 以Omakase 為主, 餐廳面積不大, 有三~四張細枱, 另有一張長長的壽司bar 枱, 今日見有四位師傅主理.今日又要食early dinner, 晚餐餐牌只有25道Omakase Set , 散叫有刺身, 壽司及小量佐酒小食, 當然有無限的日本酒供應.梅酒-悠久之梅. 銀撰 ($98)食日本餐必選的飲品, 鍾意梅酒清爽微酸, 充滿果香, 銀撰多了一份醇厚的酒香。水雲海藻海藻營養價值媲美燕窩, 海藻以日本傳統醋汁土佐醋伴食, 爽口非常, 蟹肉甜美, 醋汁有點似意大利陳醋, 但就多了鰹魚汁及醬油香.鱈魚白子配柚子醋鱈魚白子是鱈魚的精囊, 每年初春是鱈魚產卵的季節, 亦是白子最美味的季節, 以柚子醋配搭, 完全冇腥味, 白子除咗外表白滑, 入口質感也是柔滑豐腴, 很鮮美。柔煮八爪魚熟食的八爪魚是日本傳統的食法, 以日式鰹魚、味淋 、豉油及其他醬汁浸熟, 完全改變八爪魚刺身本身帶點硬及煙韌嘅口感, 熟食令肉質變得鬆軟綿滑, 醬汁香香甜甜, 很入味。烏賊
今日又要食early dinner, 晚餐餐牌只有25道Omakase Set , 散叫有刺身, 壽司及小量佐酒小食, 當然有無限的日本酒供應.
梅酒-悠久之梅. 銀撰 ($98)
食日本餐必選的飲品, 鍾意梅酒清爽微酸, 充滿果香, 銀撰多了一份醇厚的酒香。
水雲海藻
海藻營養價值媲美燕窩, 海藻以日本傳統醋汁土佐醋伴食, 爽口非常, 蟹肉甜美, 醋汁有點似意大利陳醋, 但就多了鰹魚汁及醬油香.
鱈魚白子配柚子醋
鱈魚白子是鱈魚的精囊, 每年初春是鱈魚產卵的季節, 亦是白子最美味的季節, 以柚子醋配搭, 完全冇腥味, 白子除咗外表白滑, 入口質感也是柔滑豐腴, 很鮮美。
柔煮八爪魚
熟食的八爪魚是日本傳統的食法, 以日式鰹魚、味淋 、豉油及其他醬汁浸熟, 完全改變八爪魚刺身本身帶點硬及煙韌嘅口感, 熟食令肉質變得鬆軟綿滑, 醬汁香香甜甜, 很入味。
烏賊伴海膽
烏賊堆成一個小塔仔, 淋上醬油及放上原片海膽, 烏賊入口黏滑, 再加埋海膽嘅甘香鮮甜, 很甜美的組合。
日本帶子刺身
師父拍打帶子令肉質更爽彈, 帶子肉識得回彈, 足證其新鮮度, 帶子厚度十足, 爽口且甜, 鮮甜度很高, 只用簡單嘅竹炭鹽及少許日本青檸汁提鮮己十分足夠, 只有新鮮原隻日本帶子才附帶子群, 鮨逸用炭燒方法處理伴碟上。
天草縣真鯛刺身
你有冇聽過鯛魚食蜜柑大? 師父話呢隻鯛魚係用混合咗蜜柑嘅飼料去餵養, 魚肉帶少許蜜柑嘅香氣, 配柚子啫喱卷埋菊花花瓣食, 入口清香, 肉質軟身滑口。
赤馬糞海膽豆腐
有冇食得咁串呀? 鮨逸呢個海膽豆腐就讓我串得起! 下層豆腐用海膽製成, 上面再放上原片海膽, 以鹹鮮見稱的黑魚子調味, 整件放入口中, 豆腐香滑中有海膽嘅鮮甜, 海膽甘甜, 入口即溶, 黑魚子鹹鮮, 鮮味, 甜味在口腔內一鋪爆發, perfect match, 師傅好有心機運用食材嘅配搭, 令食物更好味
深海池魚壽司配黑松露
熟食令池魚油份更出, 更香, 魚嘅味道更濃郁, 少許黑松露醬及壽司醬油令整件壽司清香煙韌又柔滑。
鮫鰈魚壽司
鮫鰈魚是佑口魚其中一個魚種, 配佑口魚肝醬, 火炙後魚油香飄散 , 魚肉帶點爽口, 米飯圓潤煙韌, 甜甜地, 也好食。
瀨尿蝦壽司
熟食的瀨尿蝦甜味更出, 肉質微彈, 磨了新鮮柚子再配鮑魚汁, 清新甜美.
鮟鱇魚肝配柚子醋
鮟鱇魚肝幼滑細棉, 冇根唔腥, 有魚香, 配柚子醋, 食完完全冇油膩嘅感覺, 唔會食到成口油, 我覺得比鵝肝更好食
北海道牡丹蝦刺身
牡丹蝦起肉, 放上其身體內綠色的蝦子及灰色蝦膏, 砌成一件藝術品般上台, 藝術品唔只睇得, 仲好好食添, 蝦肉豐富的膠質, 令肉質滑溜甜鮮, 蝦膏甘香, 蝦子爆汁鹹鮮, 口腔內的味道及口感充滿層次感
日本長崎小長井生蠔
每年的1月是食小長井蠔的好時間, 呢隻生蠔係小長井生蠔頭三位之內, 品質有番咁上下, 蠔肉爽脆, 清鮮, 好甜
火炙真名鲣魚
魚皮連肉有點咬口, 但肉質系軟既, 有點煙燻既魚油香氣。
海姥壽司
花竹蝦熟食, 有少許柚子香, 蝦肉爽甜微彈, 蝦膏甘香, 為咗見証啲咁強勁嘅蝦膏, 我犧牲咗件壽司嘅色相, 攪成佢咁
獅魚腩壽司
獅魚存放雪櫃漬了14日, 魚油好豐富, 魚肉油亮有光澤, 配三升漬, 油香滑溜, 食完口腔內嘅餘韻竟然有火炙過香味, 但其實係冇火炙過的, 奇怪?
海鰻魚苗配鏗魚汁
原條長長透明狀, 只見到佢一對眼仔, 滑不留口, 一不小心就原條吞咗落喉嚨了,海鰻魚苗本身其實冇乜味道, 食嘅係口感同鰹魚汁既味道。
象拔蚌刺身
鮮甜爽脆, 象拔蚌從來都係我嘅至愛, 只係價錢有點貴, 唔係成日捨得食。
原條魚天婦羅, 簡單磨少許岩鹽提味, 炸漿很薄, 魚肉嫩滑得黎有魚味, 炸得脆脆的, 配埋岩鹽好惹味。
赤馬糞海胆壽司
再嚟我至愛的海膽壽司, 鮮甜海膽配脆紫菜, 再加煙韌口感飯粒, 百食不厭的壽司組合, 赤馬糞海胆入口即溶, 吃完整件壽司, 甜鮮除咗停留喺味蕾上, 仲慢慢從口腔湧返上來, 令人回味無窮
雪花拖羅壽司
藍鰭吞拿魚腩部分的雪花拖羅, 掃上壽司鼓油, 雪花拖羅冇大拖羅油份咁重, 油花也豐富, 且分佈均勻, 魚脂甘香之餘, 魚味較濃郁
吞拿魚壽司
吞拿魚件呈紅色, 含脂量少, 肉質結實, 有點咬口的, 咬幾口回微彈, 以芝麻提香, 食味也不差。
今晚食左太多魚, 已經唔記得咗佢個名, 睇落去好似有啲腥, 師傅掃了醬油後, 磨了鮮柚子皮, 增添清新, 魚肉質感結實, 帶點鮮喊, 好彩食落又唔腥。
佐賀士多啤梨天婦羅
第一次食士多啤梨天婦羅, 加了少許練奶汁, 佐賀士多啤梨香甜多汁唔使我講, 我比較鍾意就咁食士多啤梨多過天婦羅囉
布丁蛋
滑滑布丁邊個食? 我要食, 我要食.....
豆腐生紫菜麵豉魚湯
日本人嘅精髓, 食完咁多刺身後, 來一碗熱湯中和, 魚湯配上滑溜清淡的豆腐及生紫菜, 麵豉湯底唔鹹, 較清淡, 相信只有這樣才可喝得到由魚頭魚骨淆製的清魚湯吧。
黑胡麻紫薯蛋糕
食埋呢件不甜不膩但有紫薯香嘅蛋卷, 為今年嘅團年飯畫上完美的記號。
多謝師傅用心為我炮製今晚的25道日本風味團年飯, 師傅好有心機製作食物及講解食材配搭嘅特質, 呢個係我呢個八妹仔鐘意坐壽司檯既最大原因, 享受美食之餘又學到好多新野, 同時多謝服務員嘅殷勤招待, 讓我享受到了一餐自我感覺至高無上的團年飯, 食貴點也值得, 衷心希望初七後食肆真系放寬晚市時段, 咁就唔使好似家陣咁, 餐餐團年飯都要六點前食完, 最後祝各位為食友 : 越食越健康, 越食越瘦, 新年快樂及財源廣進, 恭喜發財!! 明年股市暢旺賺錢再食過。
Post
