Video
Read full review
2019-12-03
106 views
石亭居酒屋250 day-iversary既celebration揀左食日本野，黎到呢間位於尖東既小小居酒屋，貪有空間享受下二人世界。-餐廳做緊19週年優惠，多款刺身都有優惠。男友最愛就係食魚生，呢間真係好啱魚生愛好之人食-帶子裙邊小食前菜黎，有青瓜絲，海帶，蟹柳絲，木耳絲，食落好有口感，帶有少少辣味，幾惹味。-雞泡魚干好特別既一碟， 好腍身，質感有啲似烤魷魚干，鹹鹹地，唔點醬都好惹味，好啱下酒，配啤酒一流，下次一定翻兜-廣島蠔同象拔蚌象拔蚌好新鮮又清甜，切條上，咬落好爽口。廣島蠔就好鮮甜，啲汁夠酸，俾埋青檸可以加酸，同蠔既海水味好夾 - 池魚薄片有優惠，切得好薄，擺盤非常靚，每片厚度均勻，好考刀工同手勢，完全唔腥，非常之新鮮。配搭埋特調醬汁，薑、蔥同辣蘿蔔油，好夾。-吞拿魚刺魚三點盛（赤身，中腩，大腩）厚度絕對唔欺場。赤身：無筋，油脂唔多，唔怕肥膩，清新感滿滿；中腩：比較軟腍，魚味較重，食落好甘香；大腩：最極品，油脂分布平均，口感順滑 一入口會有溶化既感覺，建議蘸豉油食。同一時品嘗三種拖羅，完全係幸福嘅感覺啊-清酒煮蜆蜆肉非常飽滿，每一顆都好大粒，食得出好鮮甜同埋清理得好乾淨，完全
250 day-iversary既celebration揀左食日本野，黎到呢間位於尖東既小小居酒屋，貪有空間享受下二人世界。
-
餐廳做緊19週年優惠，多款刺身都有優惠。男友最愛就係食魚生，呢間真係好啱魚生愛好之人食
-
帶子裙邊
小食前菜黎，有青瓜絲，海帶，蟹柳絲，木耳絲，食落好有口感，帶有少少辣味，幾惹味。
-
雞泡魚干
好特別既一碟， 好腍身，質感有啲似烤魷魚干，鹹鹹地，唔點醬都好惹味，好啱下酒，配啤酒一流，下次一定翻兜
-
廣島蠔同象拔蚌
象拔蚌好新鮮又清甜，切條上，咬落好爽口。
廣島蠔就好鮮甜，啲汁夠酸，俾埋青檸可以加酸，同蠔既海水味好夾
-
池魚薄片
有優惠，切得好薄，擺盤非常靚，每片厚度均勻，好考刀工同手勢，完全唔腥，非常之新鮮。配搭埋特調醬汁，薑、蔥同辣蘿蔔油，好夾。
-
吞拿魚刺魚三點盛（赤身，中腩，大腩）
厚度絕對唔欺場。赤身：無筋，油脂唔多，唔怕肥膩，清新感滿滿；中腩：比較軟腍，魚味較重，食落好甘香；大腩：最極品，油脂分布平均，口感順滑 一入口會有溶化既感覺，建議蘸豉油食。同一時品嘗三種拖羅，完全係幸福嘅感覺啊
-
清酒煮蜆
蜆肉非常飽滿，每一顆都好大粒，食得出好鮮甜同埋清理得好乾淨，完全冇沙，連清酒湯都可以飲埋。
-
串燒雞翼 雞腎 牛舌
好鹹好重口味，但食完再飲啖啤酒真係好爽。雞腎燒得好脆，入味；雞翼切開左黎燒，好方便食，雞皮帶少少焦香；牛舌就爽口，有好重既油香，但食落係有牛肉的口感。
-
稻庭烏冬
食完重口味串燒後食好正，好清，烏冬煮得好彈牙，唔會酸，仲有好多配料添
-
海膽壽司 同帶子壽司
海膽鋪滿左成個軍艦，好鮮甜好美味；帶子好大粒好嫩滑，又新鮮。
Post
