店小二(東寶) (Moved) New Location

真係唔需要多講，店小二小菜出名，環境差（係街市，你想點？），周圍環境嘈雜，到9點爆機 ，但是開心朋友聚會的好地方（唔係談心）。我嘅最愛花鵰荷葉蒸花甲，花甲鮮味十足，花鵰荷葉嘅香味很配合，蒸得唔會老，時間每次都是最好嘅。黃金雞腎，香口配啤酒一流。奶油蝦，係咖喱嚟嘅，蝦頭係啲咖喱汁裡面，汁底椰漿味濃，迷你硬豬包係附上嘅，點咖喱汁，係好正！(迷你硬豬包唔係求其嘅，係熱騰騰嘅麵包)蒜泥白肉，好野味，又係配啤酒嘅耗選擇。