Video
Read full review
2011-12-21
270 views
睇完戲…剛好差不多兩點…決定揾間酒樓飲個下午茶, 嘆嘆點心…冇乜頭緒…老友醒起附近有間鴻星…就不作他選…免傷腦筋啦!!... 周一至五下午茶特惠時段由2pm開始, 4:30pm前埋單計…睇睇張點心紙上, 密密種類就多籮籮, 但有大半部份都係不設特價o既, 不過最主要睇邊樣對胃口…最後只選到一款係特惠的…所以最大便宜就係免左每位$15蚊o既昂貴茶錢!!哈!! 擺好碗筷, 每檯當然附上佢地其一招牌餐前小食炸銀魚仔(計每位$4)…豉油碟咁上下size一小碗, 咸脆花生同銀魚仔各半…香口好味, 下酒最好!!...朋友亦稱讚佢地o既XO醬呢!! 豉油皇煎腸粉…份量算大碗, 粉條望落就冇乜光澤又有些少甩甩漏咁, 賣相就一般, 好在味道算ok…欠D鑊氣咁o者…蜆芥鯪魚球…一客7粒, 粒粒十足標準乒乓球咁大, 質感夠厚實彈牙, 蜆芥醬又吾會過咸, 香口滿意!!炸雲吞…外皮超脆, 中間放少許蝦膠, 配埋甜酸醬, 好可口!!...但如果油溫較得好D,雲吞皮炸o既時候可能冇咁”食油”o羅!!瑤柱清湯鮮竹卷…比蠔皇做的清新, 湯汁夠鮮甜, 餡料爽, 較想像中好!!蝦蛟皇…8蚊一隻, 兩隻起計; 皮薄晶瑩但見件
周一至五下午茶特惠時段由2pm開始, 4:30pm前埋單計…睇睇張點心紙上, 密密種類就多籮籮, 但有大半部份都係不設特價o既, 不過最主要睇邊樣對胃口…最後只選到一款係特惠的…所以最大便宜就係免左每位$15蚊o既昂貴茶錢!!哈!!
擺好碗筷, 每檯當然附上佢地其一招牌餐前小食炸銀魚仔(計每位$4)…豉油碟咁上下size一小碗, 咸脆花生同銀魚仔各半…香口好味, 下酒最好!!...朋友亦稱讚佢地o既XO醬呢!!
豉油皇煎腸粉…份量算大碗, 粉條望落就冇乜光澤又有些少甩甩漏咁, 賣相就一般, 好在味道算ok…欠D鑊氣咁o者…
蜆芥鯪魚球…一客7粒, 粒粒十足標準乒乓球咁大, 質感夠厚實彈牙, 蜆芥醬又吾會過咸, 香口滿意!!
炸雲吞…外皮超脆, 中間放少許蝦膠, 配埋甜酸醬, 好可口!!...但如果油溫較得好D,雲吞皮炸o既時候可能冇咁”食油”o羅!!
瑤柱清湯鮮竹卷…比蠔皇做的清新, 湯汁夠鮮甜, 餡料爽, 較想像中好!!
蝦蛟皇…8蚊一隻, 兩隻起計; 皮薄晶瑩但見件件皮身都爆開, 手工有待改善, 否則影響觀感, 裏頭蝦肉大大粒肉夠爽, 味道不俗!!
豉椒蒸鳳爪…豉汁惹味, 只稍嫌鳯爪燜過腍!!
生煎菜肉包…鍋貼反底上碟就吾怪, 生煎包都炒底又少見, 好有街頭風味, 哈!!...煎得金黃, 但包身厚, D菜肉餡吾多夠香…又淡淡口…麻麻咋!!
咸魚肉餅煲仔飯...面頭放兩小片咸魚, 個肉餅好薄, 質感較粗且偏硬...纖細o既米粒未算夠飯香, 調味醬油太少, 亦吾好期待有飯焦!!...好一般!!
是日附送餐後糖水: 紫米西米露 –用料都足, 甜度亦清, 可以!
環境係普通酒樓格局, 周一下午時間亦吾會太擠太嘈...亦可能因為咁, 服務員亦變得冇咁緊張...手腳都慢左落黎...碗碗碟碟收得慢, 仲求其堆晒嚮隔離張”空置單位”度添...
4人埋單計HK$256…同樣用這錢應可找到較哩度出色的”特惠”茶點心…
Post
