三點三冰室

Open Now

Now Closed

每次到Tea Time嘅時候都會去茶記食，貪佢平靚正，方便又快捷。呢間位於青衣城，裝潢行新派路線，以藍色為主調，店內環境闊落，空間感十足，新開張好乾淨，經過試試無妨。下午茶有主食同小食供應。西多如同個名所講，超級邪惡！麵包外層炸至金黃酥脆，咬落軟熟，塗滿兩層醬汁，搭配牛油，越食越過癮。炸雞髀賣相一流，可以要沙律或薯條，小朋友最愛。個人最鍾意叉燒炒腸粉，出面好少見，以XO醬調味，叉燒大塊，肥瘦適中，腸粉滑嘟嘟，一個人可以食到兩碟！估唔到鹹牛肉蔥花炒蛋吐司係分開放，炒蛋嫩滑，吐司幾脆，一齊食都幾夾。意粉飯嘅份量會比平時少，你一啖我一啖啱啱好。咖喱焗豬扒飯嘅豬扒都幾大塊，肉質唔嚡口、焗肉醬意粉入口更濕潤，麵條掛汁、鍾意食芝士嘅一定要出去自助區攞芝士粉撈呀！