Video
Read full review
2024-03-21
37 views
已經就嚟接近四月，夜晚嘅天氣依舊清涼，打邊爐唔再係冬天嘅選擇！！👍🏻鴛鴦麻辣鍋皮蛋香菜湯加上香油普通辣已經好惹味，湯底講緊都只係$38一位(・ω・)ノ皮蛋湯夠清，岩哂落菜品同龍躉片；辣湯夠麻亦夠香，喜歡嘅朋友可以挑戰重慶辣或者特辣！👍🏻肉類打邊爐點可以沒有牛肉，十秒牛舌、嫩牛肉、手切牛肉全部都係極力推薦！佢嘅滑牛肉非常之嫩淋；10秒牛舌真係冇花冇假，微彈嘅口感；手切牛肉紋理清晰，油花分配平均，半份已經足夠二人分享啦！鮮龍躉片半份有四大片，魚肉晶瑩剔透！👍🏻丸類長城小白豬午餐肉係邪惡必點；手打四寶丸有齊豬肉丸、牛肉丸、蝦丸、墨魚丸；手打魚籽蝦滑啖啖蝦肉，咬落爽口。👍🏻生津止渴楊梅汁超巨型嘅一杯，楊梅汁酸酸甜甜，飲落清爽解油膩！坐低嘅時候仲送上左一碗糖水添👍🏻蔬菜🥬功夫萵筍片夠晒功架，除咗厚薄均一之外，更砌成一個星星嘅形狀；另外叫咗一份油麥菜。💡 每個食品都會有個標籤寫明碌幾耐，而且枱上面都放有一個計時器⏱️
👍🏻鴛鴦麻辣鍋
皮蛋香菜湯加上香油普通辣已經好惹味，湯底講緊都只係$38一位(・ω・)ノ皮蛋湯夠清，岩哂落菜品同龍躉片；辣湯夠麻亦夠香，喜歡嘅朋友可以挑戰重慶辣或者特辣！
👍🏻肉類
打邊爐點可以沒有牛肉，十秒牛舌、嫩牛肉、手切牛肉全部都係極力推薦！佢嘅滑牛肉非常之嫩淋；10秒牛舌真係冇花冇假，微彈嘅口感；手切牛肉紋理清晰，油花分配平均，半份已經足夠二人分享啦！鮮龍躉片半份有四大片，魚肉晶瑩剔透！
👍🏻丸類
長城小白豬午餐肉係邪惡必點；手打四寶丸有齊豬肉丸、牛肉丸、蝦丸、墨魚丸；手打魚籽蝦滑啖啖蝦肉，咬落爽口。
👍🏻生津止渴楊梅汁
超巨型嘅一杯，楊梅汁酸酸甜甜，飲落清爽解油膩！坐低嘅時候仲送上左一碗糖水添
👍🏻蔬菜🥬
功夫萵筍片夠晒功架，除咗厚薄均一之外，更砌成一個星星嘅形狀；另外叫咗一份油麥菜。
💡 每個食品都會有個標籤寫明碌幾耐，而且枱上面都放有一個計時器⏱️
Post
