Video
Read full review
2021-01-25
557 views
疫情一路都無好轉，晚市又禁堂食，唔少餐廳都出盡奇招吸客！就連銅鑼灣呢間日式居酒屋都變陣，推出和風下午茶，人均 $200 有找就有齊前菜、壽司、串燒、甜品，仲有清酒飲，啱晒樣樣都鍾意試少少嘅我！疫情價！和風下午茶人均 $200 有找！Tea Set 通常都會諗到英式 3層架，而呢個和風下午茶就以 3個便當盒作擺盤，分別裝有多款日式鹹甜點，色彩繽紛，打卡起嚟一啲都唔輸蝕！雖然唔係喺酒店食，但環境都相當舒服，而食物份量唔多，樣樣都有少少，以其他 Tea Set 作比較，兩人份都係 $388 (另收加一服務費)，都算值得一試！鹹點有居酒屋風味來自日本嘅權八本來就係專注做居酒屋，所以鹹點方面有一定水準，當中串燒更係用日本備長炭燒烤，加上調味適中，好有日式風味。不過前菜同壽司方面就唔係太突出，單純邊傾計邊送酒都係可以。跟餐必揀暖清酒平時日本餐廳嘅甜品都係普普通通，本來無抱太大期待，不過呢間反而這幾好食，特別係椰汁南瓜白玉子，椰汁同南瓜香滑濃厚，好啱冬天食，而蜜瓜糯米糍唔止外型可愛，仲有點點清甜，可以消消滯。至於飲品，除咗一般嘅無酒精飲品，仲有得揀白鶴 純米酒 或 手工啤酒，配串燒一定要飲呢！氣氛休
和風下午茶
$388
56 views
0 likes
0 comments
疫情價！和風下午茶人均 $200 有找！
Tea Set 通常都會諗到英式 3層架，而呢個和風下午茶就以 3個便當盒作擺盤，分別裝有多款日式鹹甜點，色彩繽紛，打卡起嚟一啲都唔輸蝕！雖然唔係喺酒店食，但環境都相當舒服，而食物份量唔多，樣樣都有少少，以其他 Tea Set 作比較，兩人份都係 $388 (另收加一服務費)，都算值得一試！
鹹點有居酒屋風味
來自日本嘅權八本來就係專注做居酒屋，所以鹹點方面有一定水準，當中串燒更係用日本備長炭燒烤，加上調味適中，好有日式風味。不過前菜同壽司方面就唔係太突出，單純邊傾計邊送酒都係可以。
枝豆、飛魚子沙律、炸鮮蟹肉餅 同 唐揚雞柳
20 views
0 likes
0 comments
燒雞翼、蒜片豬頸肉、日本番薯、杏鮑菇同燒粟米
11 views
0 likes
0 comments
跟餐必揀暖清酒
平時日本餐廳嘅甜品都係普普通通，本來無抱太大期待，不過呢間反而這幾好食，特別係椰汁南瓜白玉子，椰汁同南瓜香滑濃厚，好啱冬天食，而蜜瓜糯米糍唔止外型可愛，仲有點點清甜，可以消消滯。至於飲品，除咗一般嘅無酒精飲品，仲有得揀白鶴 純米酒 或 手工啤酒，配串燒一定要飲呢！
蜜瓜糯米糍、椰汁南瓜白玉子、芝士蛋糕
9 views
0 likes
0 comments
氣氛休閒 和風味濃
呢間餐廳喺銅鑼灣利園，要上到 3樓，再行一層樓梯上去，走廊裝飾好有日式氣派，好似穿梭去另一個空間咁。餐廳分咗唔同嘅區，近欄邊嘅位置光猛，可以望到商場，氣氛輕鬆，而另一邊就好似和室，可以席地而坐。另外仲有壽司 bar 枱同蕎麥麵製作室，可欣賞廚師製作過程。
白鶴 純米酒
11 views
0 likes
0 comments
Post
