Video
Read full review
2023-07-15
32 views
一行4個火鍋控去咗間帶懷舊風火鍋店，店內播放著舊歌及有不少打卡位，另食物質素唔錯，確係睇得又食得😌🔥起鍋4人套餐（$498/位）.🥢椰子花膠螺片雞湯湯底飲得出用料十足，應以新鮮雞殼熬製，另店員強調鍋內雞隻選用本地走地雞，以海南雞製法處理，並非與湯底一同熬製，所以能保持嫩滑口感😌🥢熱浪響鈴午餐肉響鈴中間包住西班牙黑毛豬午餐肉，皮脆但唔油膩，係幾特別嘅餐前小食😌🥢潮汕牛拼盤店員建議先食吊龍，其次食匙柄及三花趾，最後係雪花，每片牛肉輕焯5秒，油香一款比一款重，牛香味濃，正👍🏻🥢海鮮拼盤拼盤有南非鮑魚、台山蠔及海中蝦，鮑魚切成薄片，輕輕一淥就食得，入口彈牙鮮甜；台山蠔大大隻，淥熟後無縮水，飽滿又juicy；海中蝦好新鮮，肉質爽彈😌🥢西澳龍蝦套餐本身跟配加拿大A級象拔蚌，因供貨問題改為1.5斤西澳龍蝦。龍蝦肉切成薄片作刺身，肉質清爽鮮甜，放入湯底輕焯後，則變得鮮味爽彈，兩種食法都一樣滋味😋🥢任選即叫即包餃3款（12粒）揀咗黃芽白大頭菜豬肉餃、韭菜豬肉餃及香葉肉碎餃，餃皮偏薄但唔易爛，帶少少煙靭口感，另香葉肉碎餃帶泰式風味，整體都幾高質😌🥢任選自家手打新鮮丸3款（12粒）手打彈彈牙魚蛋堅係彈牙，亦
🔥起鍋4人套餐（$498/位）
.
🥢椰子花膠螺片雞湯
湯底飲得出用料十足，應以新鮮雞殼熬製，另店員強調鍋內雞隻選用本地走地雞，以海南雞製法處理，並非與湯底一同熬製，所以能保持嫩滑口感😌
🥢熱浪響鈴午餐肉
響鈴中間包住西班牙黑毛豬午餐肉，皮脆但唔油膩，係幾特別嘅餐前小食😌
🥢潮汕牛拼盤
店員建議先食吊龍，其次食匙柄及三花趾，最後係雪花，每片牛肉輕焯5秒，油香一款比一款重，牛香味濃，正👍🏻
🥢海鮮拼盤
拼盤有南非鮑魚、台山蠔及海中蝦，鮑魚切成薄片，輕輕一淥就食得，入口彈牙鮮甜；台山蠔大大隻，淥熟後無縮水，飽滿又juicy；海中蝦好新鮮，肉質爽彈😌
🥢西澳龍蝦
套餐本身跟配加拿大A級象拔蚌，因供貨問題改為1.5斤西澳龍蝦。龍蝦肉切成薄片作刺身，肉質清爽鮮甜，放入湯底輕焯後，則變得鮮味爽彈，兩種食法都一樣滋味😋
🥢任選即叫即包餃3款（12粒）
揀咗黃芽白大頭菜豬肉餃、韭菜豬肉餃及香葉肉碎餃，餃皮偏薄但唔易爛，帶少少煙靭口感，另香葉肉碎餃帶泰式風味，整體都幾高質😌
🥢任選自家手打新鮮丸3款（12粒）
手打彈彈牙魚蛋堅係彈牙，亦有魚味；梅菜豬肉手打丸幾特別，似食緊梅菜蒸豬肉；九層塔蝦丸夠彈牙，且帶九層塔香。
🥢本地有機農場推介當日精選菜拼盤
拼盤有油麥菜、皇帝菜、娃娃菜、菜芯及粟米，全部均新鮮乾淨😌
🥢凍豆腐
豆腐吸滿湯汁精華，入口爆汁好好味😋
🥢水雲麵
初嚐水雲麵，質感煙靭有咬口，口感及味道都幾特別😌
Post
