夜。鐵板燒

我哋兩位4月之星難得一聚要食好啲，喺OpenRice 搵咗一輪就決定訂「夜。鐵板燒」，本來訂咗19:00但因為工作關係要19:30先到，打返電話通知餐廳，職員好有禮貌咁幫我改預約時間仲叫我唔洗急，心中對餐廳已加了分。坐底一睇餐牌心中好快有決定，就揀咗DELUXE MANUAL FOR 2 person，因為佢有立鱗鯛魚呢道餸，呢個我喺其他地方食過都想朋友試下，其他就有龍蝦🦞、鮑魚、鴨肝、和牛等等。雖然第1次上嘅立鱗鯛味道好，但啲魚鱗效果唔靚令我有啲失望，估唔到廚師會為呢個「期望」煮多次，今次做到效果而味道都好好👍🏻，我都好欣賞廚師呢份執著👏🏻👏🏻👏🏻👏🏻👏🏻👏🏻👏🏻👏🏻👏🏻。全晚職員們服務恰到好處，我同朋友都可以一路傾一路食，滿足感爆燈。