莆田 (荃灣廣場)

Open Now

Now Closed

呢間福建中菜餐廳屋企人一向都好鍾意食，見新推出左海蠣星級套餐一於試下先。#海蠣星級套餐 $498先嚐特色小菜非常滋味。#福建特色海蠣煎 煎到金黃酥脆又唔腥，海蠣鮮嫩多汁，金黃的蛋黃作底十分吸睛。#特製椒鹽豬手 炸到外皮炸到焦脆，食到滿滿鹹香，而肉爽滑彈牙，咬下骨肉分離，婆婆都話岩食😍主菜可二選一，我就揀左 #興化炒米粉，黎親必叫嘅炒米粉好幼好好咬口，仲有好多海鮮作配菜，我就鍾意點莆田特製酸辣醬食，更添風味！飯後甜品包括揀左兩客 #薄荷枇杷凍 ，一口咬下去清凉甘甜，枇杷很甜很醇香，食完口裡仲彌漫著薄荷味。額外再點左 #黃金荷葉包 $76（兩個），充滿芝麻香味嘅包仔，切開將洋蔥同肉絲一齊咬，甜甜嘅包身同埋惹味肉絲，好好味😋#莆田扁肉湯 $32/1客 ，由皮到餡都係純手工，一啖一粒，肉味新鮮，皮有韌勁，湯底酸酸地好開胃🤤。