麥上日光 (Closed)

上次去完尖沙咀Solo整Gel甲，見到個美甲師既同事食哩個包，我望住佢食既時候，我都好想食，因為個包睇落好鬆軟，大大件，好香芝士味。最後我忍唔住，問個美甲師喺邊度買？佢話好近㗎咋，在對面馬路！五層芝士麵包$25嘩！我去到鋪頭竟然要排隊！（可能咁啱係果日，因為我第二次去買既時候唔使排隊），買完即刻食，um......yummy，果然名不虛傳，鬆軟程度有如蛋糕質地既麵包🧀🍞，加五層芝士，每咬一啖口腔都充滿著香滑既芝士。如果係暖暖地，應該會更加好味！