Video
Read full review
2021-06-12
5545 views
本來去翠園飲茶，但等位要好耐，轉左去對面呢間鴻星，見個宣傳牌寫住11:00至下午2:00時段飲茶，電話訂座可享5折，我就問接待員現在打給你訂座可以?她說本來要提早一天才可以，後來又說不用可即時安排入座一樣有點心5折。我哋三個人就跟住接待員入左去。坐低睇吓有咩點心食先，點心紙封面寫住真功夫點心，係真唔係，食過先知。佢哋啲點心有好多款用位做單位，心腍咁都好，邊個鍾意食先叫，唔浪費，就算一個人嘆茶都可以有多幾樣點心食。睇完就落單等開餐，上菜時間都幾耐，可能蒸要多些時間，然後又一窩蜂咁送到你檯上。鴻星蝦餃皇、一籠一餃，每一粒餃旁伴有一小棵西蘭花，蝦餃皮薄蝦肉爽口，材料多，啖啖都係蝦肉，西蘭花都鮮嫩冇渣。瑤柱花菇灌湯餃，湯盅內有一大隻灌湯餃，湯內有一隻花菇和一粒瑤柱，湯夠熱又清甜，打開餃子睇見全都係蝦，食落都幾好味，但蝦肉嘅味就淡左少少。香芋鴨腳扎，鴨腳俾腐皮包得扎實，裏面有條芋頭，芋頭軟淋有粉感，鴨腳容易食，醬汁調得好味。叫左兩種卷，上檯時先發覺外型係一樣，只係餡料和醬汁唔同。蠔皇鮮竹卷，腐皮內有肉有菜，浸在蠔汁中吸收左汁液之後味道鹹香濃郁。上湯菜苗卷，同樣用腐皮包住餡料，內有大量菜苗和肉，浸
坐低睇吓有咩點心食先，點心紙封面寫住真功夫點心，係真唔係，食過先知。佢哋啲點心有好多款用位做單位，心腍咁都好，邊個鍾意食先叫，唔浪費，就算一個人嘆茶都可以有多幾樣點心食。
睇完就落單等開餐，上菜時間都幾耐，可能蒸要多些時間，然後又一窩蜂咁送到你檯上。
鴻星蝦餃皇、一籠一餃，每一粒餃旁伴有一小棵西蘭花，蝦餃皮薄蝦肉爽口，材料多，啖啖都係蝦肉，西蘭花都鮮嫩冇渣。
瑤柱花菇灌湯餃，湯盅內有一大隻灌湯餃，湯內有一隻花菇和一粒瑤柱，湯夠熱又清甜，打開餃子睇見全都係蝦，食落都幾好味，但蝦肉嘅味就淡左少少。
香芋鴨腳扎，鴨腳俾腐皮包得扎實，裏面有條芋頭，芋頭軟淋有粉感，鴨腳容易食，醬汁調得好味。
叫左兩種卷，上檯時先發覺外型係一樣，只係餡料和醬汁唔同。蠔皇鮮竹卷，腐皮內有肉有菜，浸在蠔汁中吸收左汁液之後味道鹹香濃郁。上湯菜苗卷，同樣用腐皮包住餡料，內有大量菜苗和肉，浸在上湯內，味道比蠔皇清淡。
莞茜滑牛腸粉，雖然用一塊塊牛肉做唔係一般免治牛肉，但口感唔係咁嫩滑，有啲鞋又咬唔開，腸粉皮唔夠薄。
點心味道有些好食啲，有些就一般般，不過5折優惠又幾吸引，我哋三個人食左六樣點心，五折後每人80多元，算ok啦。
鴻星蝦餃皇
$16
111 views
0 likes
0 comments
瑤柱花菇灌湯餃
$48
89 views
0 likes
0 comments
蠔皇鮮竹卷/上湯菜苗卷/香芋鴨腳扎
66 views
0 likes
0 comments
莞茜滑牛腸粉
$44
66 views
0 likes
0 comments
Post
