Thirty First of May (Closed)

早幾日，陪老細食完飯，離開時，佢部車俾人 hi 花咗，之後拎咗部車去荃灣大霸街補油。今晚，陪佢去攞車，見車房隔籬有間好嘢，佢就捉埋我入去食飯，食咩飯? 咪食西班牙海鮮飯囉。入到去，環境很不錯，燈光柔和，唔嘈。一雙一對來的，比比皆是。老細係個精打細算的人，經佢觀察過隔籬左右食咩，同研究一輪餐牌之後，最終，佢認為最抵食的就係海鮮拼盤2人套餐。點樣抵食法? 先說這個 “輕煎吞拿魚、芒果沙、芥末蛋黃醬、芝麻”，上碟的賣相好似一幅畫咁，上面有幾件特厚切的吞拿魚，經輕煎後，外層多了脆口感和甘香味，內層就是豐膩的魚肉，真的是外脆內軟，配搭埋拌碟的芒果沙沙和醬汁，又非常開胃。跟住就要講呢個海鮮拼盤就更加可以理解到如何抵食。拼盤內有龍蝦、帶子、生蠔、翡翠螺、花蛤、青口和海蝦。每樣都非常新鮮，每樣都有其獨特的鮮味。而最利害的，莫過於係龍蝦，肉多之餘，仲有好多膏。吃完個海鮮拼盤，都已經飽咗一大半。之後，就係餐湯，黑松露忌廉湯有好強烈的黑松露味，入口之後要過一陣才會散去。蕃茄忌廉湯係有點酸的，所以飲落好醒胃。配上特色的意大利麵包，感覺非常不錯。最後是西班牙海鮮炒飯，飯粒是較硬身的，這是正正宗宗的西班牙炒飯的造