Pho 778 (Closed)

過咗海物價高昂，以前向灣仔返工要向公司附近揾食，食到荷包縮哂。其實行遠少少向電車路附近大把性價比高既餐廳，pho778就係其中一間又抵又好食既選擇😋呢間餐廳最出名係食越式湯河，正常分量已經係超大碗！手切安格斯肥牛湯河就係我既心水推介，生牛肉薄切但脂肪分佈均衡（唔好攞一般肥牛同佢比！），湯既熱度岩岩灼熟，入口無比滑嫩！而河粉既靈魂湯底簡直冇得彈👍🏻湯底店家自製，清甜冇味精，有少少藥材味，將牛肉既鮮味提昇！而配料調味就分開上，上碟精緻完全係自己diy味道！如果覺得唔夠濃，仲可以用是拉差醬同辣醬調味，但我覺得原味先係皇道😋香茅雞扒法包都充滿驚喜！雞扒唔係炸係煎入口滑嫩，有生菜蕃茄同香葉，配上香脆法包，估你唔到越式風味同法包好夾，入口清新爽脆，不過我都係鍾意食河粉多d😂要再豐富d，加$15有小食連野飲，小食絕對唔少野，蝦餅必試！唔係平時出面食既口感，係一絲絲好似真肉咁！（有相為證！）外面炸得蘇脆，內裡嫩滑，每啖都係蝦既鮮甜美！蔗蝦蝦肉彈牙鮮甜，再煎香外皮惹味十足，點泰式甜醬有少少蓋過原味，所以我建議直接食。綜合來講我推薦蝦餅多d唔夠喉再叫多客紙米卷！非常標準既做法，但材料新鮮已經完勝👍🏻店舖細