不籽是咖啡 (文豪閣)

Open Now

Now Closed

第二次黎到不籽是咖啡，第一次就係去西環個間，而今次就去咗喺油麻地，今次就只係嗌咗：1）熱情果高山茶 (凍) ⭐️⭐️⭐️⭐️ / ⭐️⭐️⭐️⭐️⭐️2）americano (凍) ⭐️⭐️⭐️⭐️ / ⭐️⭐️⭐️⭐️⭐️因為已經食咗lunch，所以淨係分別每人嗌咗一杯嘢飲，熱情果茶真係喺呢個炎炎夏日帶黎透心涼嘅效果，而杯americano一開始飲嘅時候就比較淡，但反而飲落去啲冰慢慢溶化，反而令到浸咖啡味越嚟越濃烈，飲完喺口中亦都有回甘嘅味道，聞落去亦有咖啡香味，而佢地用嘅就係比較酸嘅咖啡豆。最後兩杯野$90，對比起西環嘅不籽是咖啡，我自己比較喜歡西環個一間，一來個邊嘅環境比較好比較清幽，第二就係座位與座位之間比較寬敞，第三就係西環個間嘅風格裝飾亦都比較突出，第四就係衛生環境油麻地呢間比較遜色，坐喺窗口位，都已經比我拍死咗幾隻蚊之仔，而佢地嘅女廁亦都塞咗，令到女顧客要行去比較遠嘅地方去廁所。所以縱觀以上嘅觀點，如果比我揀嘅話，我寧願遠少少，都會想去西環個間多啲。