Thirty First of May (Closed)

今日同朋友係荃灣廣場睇完戲，即刻就搵下附近有咩好野食啦，係openrice 搵到呢間西餐廳非常近就立即起程去。餐廳裝修非常有情調，大大個月亮吊係半空中，真係唔係為食野都想入黎坐下，影下相打下卡。餐廳有2款2人set dinner, 一款係牛扒為主，另一款就係海鮮為主，今次我地就先試下牛扒set 。頭盤係一個三文魚牛油果沙律，份量一d 都唔少，而家材料新鮮，賣相亦都好靚，餐廳唔會預先幫你撈定沙律醬，而係客人自己撈，等你可以就返自己口味。跟住就有個黑松露野菌忌廉湯配餐包，忌廉湯既松露味非常香，未埋枱離遠已經聞到，而且口感細滑，味道非常好，唔可以唔提就係餐包，餐廳非常有心思，利用蒸籠方式上菜，好有趣。意粉就揀左個carbonara , 意粉上面有一層烘乾既芝士，非常香，意粉好彈牙，餐廳話意粉加入日本蛋，令個意粉顏色同味道都更加好。主菜就係m5牛扒，我地叫左3成熟，牛扒肉質非常嫩，而且醬汁由自己搽上牛扒，令你可以自己調較你想既味道。配菜既牛油薯蓉好creamy 好滑，而且味道好好。餐廳除左氣氛好，食物質素一d 都唔失禮，絕對係拍拖聚會既好地方。