Video
Read full review
2014-02-04
1217 views
響一個平靜既晚夜，食左個不平凡既漢堡包。星期六，兩名九龍人越洋過海，慕著每個ａｂｃ朋友都讚嘆既美譽，終於得閒黎到呢間美式漢堡包店－ｂｕｒｇｅｒｏｏｍ。作為一間美式漢堡包店，餐牌設計上無加入中文，只有英文，感覺似去咗外國，而唔係唐人街。另外，老闆請既都係口音純正既ａｂｃ，待客態度有禮，係中英夾雜既答案下，不失外國風情，又多了一份親切感，唔怪眾多ａｂｃ朋友都推介呢間餐廳。等左十至十五分鍾，終於有得食，一坐低，就見到有個牌專賣小食，寫住芝士旋風薯條同薯絲蝦，賣相非常吸引，加上自己鐘意食芝士，所以一次叫哂兩個，之後再叫多個磨菇雞排漢堡成為今晚既晚餐。芝士旋風薯條同薯絲蝦兩樣都唔夠熱，炸野唔夠熱就無左佢既靈魂，所以味道一般，但ｄ芝士就非常足料，食哂都飽咗一大半，想叫黎食既朋友要小心份量。磨菇雞排漢堡（唔記得英文名＝＝）呢個漢堡就好新鮮，一睇佢５ｃｍ厚既雞排就知有誠意。一咬落去就覺得個包好軟好鬆，加上個皮脆脆地，同埋ｄ肉汁係咁流出黎，的確係高級享受。之後再連埋燒香咗既磨菇一齊食，無被雞排搶哂ｄ味之餘，兩隻味又幾夾，咁樣食法又有另一種享受。值得一試。以上份量，我地兩個人就食到好飽，真為個包好大同埋芝
星期六，兩名九龍人越洋過海，慕著每個ａｂｃ朋友都讚嘆既美譽，終於得閒黎到呢間美式漢堡包店－ｂｕｒｇｅｒｏｏｍ。
作為一間美式漢堡包店，餐牌設計上無加入中文，只有英文，感覺似去咗外國，而唔係唐人街。另外，老闆請既都係口音純正既ａｂｃ，待客態度有禮，係中英夾雜既答案下，不失外國風情，又多了一份親切感，唔怪眾多ａｂｃ朋友都推介呢間餐廳。
等左十至十五分鍾，終於有得食，一坐低，就見到有個牌專賣小食，寫住芝士旋風薯條同薯絲蝦，賣相非常吸引，加上自己鐘意食芝士，所以一次叫哂兩個，之後再叫多個磨菇雞排漢堡成為今晚既晚餐。
芝士旋風薯條同薯絲蝦
兩樣都唔夠熱，炸野唔夠熱就無左佢既靈魂，所以味道一般，但ｄ芝士就非常足料，食哂都飽咗一大半，想叫黎食既朋友要小心份量。磨菇雞排漢堡（唔記得英文名＝＝）
呢個漢堡就好新鮮，一睇佢５ｃｍ厚既雞排就知有誠意。一咬落去就覺得個包好軟好鬆，加上個皮脆脆地，同埋ｄ肉汁係咁流出黎，的確係高級享受。之後再連埋燒香咗既磨菇一齊食，無被雞排搶哂ｄ味之餘，兩隻味又幾夾，咁樣食法又有另一種享受。值得一試。以上份量，我地兩個人就食到好飽，真為個包好大同埋芝士好飽，如果想試佢既小食就要小心份量。仲有好多漢堡未試，如果去開銅鑼灣，一定會再試！
Post
