火鍋撚 (染布房街) (Closed)

武漢肺炎搞到冇得約齊腳食飯， 而家終於可以食，不過要前後腳到。。。 真係低能呢間火鍋撚真係難book, weekend真係要book位， 冇book應該真係冇位。。。 呢度幾間鋪都係佢地個集團，有獨。火鍋撚， 安安燒， 成條街都好香， 好多人等位， 好心急呀， 就嚟有得食喇終於入到去坐低，我地6 個人， 坐卡位， 都幾舒服 有好多嘢都想食呀。。。 點算呀 我地叫咗兩個湯底， 一個辣， 一個唔辣~ 辣就揀咗祖傳麻辣鍋， 唔辣就養生白湯鍋， 辣嘅湯我地冇咁癲， 冇就咁飲。。。 不過個養生白湯鍋就俾我地飲到要加湯真係好好飲~全部食材都好新鮮， 好好食， 正到爆， 你睇相就知好好食， 我都唔逐樣數出嚟~ 到最後， 有腐竹糖水沙冰， balance返打邊爐嘅燥熱， 好細心呀~