Corner 18 (Closed)

諗住平平地過下自助癮，點知海鮮同主食都唔係任食，已經難回本，仲要所有野質素都好差，要3折就差唔多。先講海鮮，按人數而比，都係得蟹腳6隻，細隻無肉青口數隻，蜆及蝦一人一隻。蟹腳死鹹，好似放左成啖鹽入口，蜆蝦無味。食巴馬火腿配蜜瓜，火腿唔香，蜜瓜無味。西湯同茶記咁上下。主食只限每人叫兩份，魚柳煮到好柴，即使配汁食都無味。西冷死鹹，肉眼無肉味。蘋果金寶似木糠布甸加蘋果金寶。雪糕最正常侍應態度麻麻，兩份汁黎到唔會話你知叫咩名，要自己估。整體出餐較慢。同埋頭頭比你個麵包好似大陸三星酒店早餐啲包，難食。除左橙汁咖啡任飲，真係無咩特別出色既野。