牛涮鍋 (Closed)

一行四人去牛涮鍋去挑戰下極速火鍋放題，我地選左最平個隻放題，每人$62有100g既肉類選擇(牛肉，豬肉，雞腿肉)，而菜類同丸係任食。一踏入餐廳就開始計時四個人一張枱一個鍋共用，首先要選湯底先，我地就選左鴛鴦湯底，豬骨湯及蕃茄濃湯，但要加$5。我地點左兩份牛肉，一份豬肉，一份雞腿肉，因為朋友有匯豐咭，所以每份肉都由100g免費加至150g，牛肉同豬肉切到好薄，所以好快就熟，豬肉唔韌，而雞腿肉都好嫩好食！朋友話牛肉都唔錯！丸類就有芝士丸，龍蝦丸，菠菜丸，獅子狗同芝士腸，芝士丸最好食，不過食多幾粒好快漏。菜類有生菜，金茹，翠玉瓜，粟米，芋絲，洋蔥等等。仲有烏冬同麵供應。野飲就有汽水同溝出黎既果汁選擇！其實60分鐘真係幾趕，最後唯有一次過放埋d丸同菜去滾當然雪糕唔可以放過，雪糕係軟雪糕再加餅碎，米通，同糖上面，不過就好快會溶要快食！服務員真係好準時一個鐘就叫我地埋單，朋友有牛涮鍋咭所以唔使加一，埋完單仲可以坐多一陣，可能無咩人等位啦！