FRITES Belgium on Tap (海濱匯)

Open Now

Now Closed

住喺東九嘅我從來都無嚟過呢幢building , 離鐵路有啲遠，不過商廈真係好靚，相比我返工嘅所謂甲級商廈靚好多，樓底又高，無人返工嘅商場星期日都有幾間舖開。呢間餐廳格局似酒吧，4人檯好寬敞，有outdoor 位，有啲樹，有傘，好chill😍 ,我好鍾意🤤，不過今日真係好熱，所以都係坐indoor , 大大嘅落地玻璃望出去好舒服😚，冷氣都好夠。menu 有60頁，好似睇緊書咁，有埋圖，好認真，好欣賞👍👍👍。《classic steak 》要咗medium rare, 扒都幾大塊，幾高質，無乜筋，已切件😚，可以食得好斯文，薯條好多，係幼薯，好有薯味，檯上已設有茄汁👍。《沙律加三文魚》份量都幾大，芝士好多，聞落已經好香《比利時窩夫》嚟到好震撼，好高😵，有層層疊嘅感覺，上面應該係蛋白加糖再用火槍燒燒，中間有朱古力雪糕，下面係窩夫再下一層係雲尼拿雪糕，最底層都係窩夫，其實好heavy , 而且底層窩夫已經唔脆，味道就好一般，不過賣相嚟講係高分❣，打咭係唔錯嘅📷。