Video
Read full review
2017-11-26
139 views
註: 今日打得有啲長，快速版可以睇圖有簡單文字介紹.今日dum低左老婆, 約左同事去食全牛宴, 呢間616火鍋出名食各種刁鑽嘅牛部份我呢位同事都好鍾意食牛, 佢話食過封門柳, 我就真係未聽過...今晚揀肉都係靠晒佢.一入到去, 間鋪個樣係少少懷舊茶記feel, 都幾光猛坐位除左幾張卡枱, 都係一d 長方形枱, 唔似一般邊爐多數用圓枱.我地7點就到左, 人未多, 可以坐到卡位, 正！一坐低就見到部ipad, 原來呢度係電子自助下單.打開第一版就係揀湯底佢薄切牛肉類分左兩版: 616推介系列 , 同616罕有系列。其實...唔好講罕有系列, 推介嗰版我都無一種聽過...😑.非切片肉類嘅, 有牛滑, 牛肉餃, 慢煮牛腩, 牛骨髓, 牛丸, 牛心錠... 太多不能盡錄😳.蔬菜嗰版都有十幾種, 最特別見到有羽衣甘藍。.最得意係佢有版涼品, 分別係冰麻牛, 同金菊玉冰凍可惜冰麻牛今晚無貨無得嗌😭.間鋪枱面張墊枱紙有介紹各種刁鑽牛係牛邊個位, 烚幾多秒, 重有推介食法.好, 就最後決定叫以下呢d.湯底:紅油麻子湯底.推介牛:牛朴肉 牛駝峰.罕有牛:吊龍伴 雙層肉.非切片肉類:放棄😂無叫到，因為唔夠特
註: 今日打得有啲長，快速版可以睇圖有簡單文字介紹.
今日dum低左老婆, 約左同事去食全牛宴, 呢間616火鍋出名食各種刁鑽嘅牛部份
我呢位同事都好鍾意食牛, 佢話食過封門柳, 我就真係未聽過...
今晚揀肉都係靠晒佢
.
一入到去, 間鋪個樣係少少懷舊茶記feel, 都幾光猛
坐位除左幾張卡枱, 都係一d 長方形枱, 唔似一般邊爐多數用圓枱
.
我地7點就到左, 人未多, 可以坐到卡位, 正！
一坐低就見到部ipad, 原來呢度係電子自助下單
.
打開第一版就係揀湯底
佢薄切牛肉類分左兩版: 616推介系列 , 同616罕有系列。其實...唔好講罕有系列, 推介嗰版我都無一種聽過...😑
.
非切片肉類嘅, 有牛滑, 牛肉餃, 慢煮牛腩, 牛骨髓, 牛丸, 牛心錠... 太多不能盡錄😳
.
蔬菜嗰版都有十幾種, 最特別見到有羽衣甘藍。
.
最得意係佢有版涼品, 分別係冰麻牛, 同金菊玉冰凍
可惜冰麻牛今晚無貨無得嗌😭
.
間鋪枱面張墊枱紙有介紹各種刁鑽牛係牛邊個位, 烚幾多秒, 重有推介食法
.
好, 就最後決定叫以下呢d
.
湯底:
紅油麻子湯底
.
推介牛:
牛朴肉 牛駝峰
.
罕有牛:
吊龍伴 雙層肉
.
非切片肉類:
放棄😂無叫到，因為唔夠特別
.
蔬菜:
油麥菜
.
飲品:
豆漿X2
.
一落完單佢第一樣野黎嘅係湯底, 第二樣黎嘅居然係一個漏斗⏳
原來個漏斗係用黎計佢20分鐘內可唔可以送晒第一輪點嘅食物黎
出唔切嘅會免費送畀食客, 不過佢地上菜都幾快，所以免費這些機會不是我的。
第三樣送上嘅一樣唔係肉... 而係送嘅哈密瓜，可以做餐前果😂
.
等緊肉黎嘅時候就可以自己去混醬料
佢醬料都有分普通野同特別野
普通嘅蔥蒜辣椒香草啦, 特別嘅有陳醋, 柑桔, 沙茶醬, 同秘制牛肉汁㊙
再去洗個手, d肉就黎晒啦, 可以食啦!!!
.
🔹 紅油麻子湯底 $58
顏色好鮮艷, 夠晒紅, 入面重送左一堆豆卜, 要留返最後同菜一齊食
可能烚牛只需要幾秒, 掛唔到太多汁，唔太食到辣, 決定連湯食，都幾麻辣feel🌶
.
🔹 牛朴肉 $48
[牛脖頸上鍛練最頻繁的活肉, 傳說唔係隻隻牛有]
呢個係見openrice 多人推介先叫
脂肪比例明顯較多, 有少少筋位, 但今次係好食嗰種, 好爽脆!
個感覺幾似香港人鍾意食嘅肥牛嘅爽脆版，但牛味唔算最重
.
🔹 牛駝峰$48
[牛朴肉後端的頸背間肉, 大約就係水牛駝峰嘅位置]
見墊枱紙推介, 同個部位幾特別, 就叫黎試下
肉身好淋, 但牛肉味唔算重, 筋位要啲時間先咬得斷
.
🔹 吊龍伴 $68
[腰脊肉的兩個側邊, 帶點肥肉的牛脊肉條]
哇, 呢個不得了, 牛味好出, 脂肪比例均勻, 入口重有少少溶化感...omg
呢個真係食到停唔到口😍😍😍
.
🔹 雙層肉 $68
[牛腹夾層肉]
呢個係同事介紹, 佢話食過
見到差唔多有半舊係白色, 我重以為會好肥
點知食落去一d 都唔肥膩, 脂肪中間會慢慢有d 牛味透出黎, 好香
而且口感居然係偏爽的
.
食完呢4種肉之後, 我地得出一個答案: 罕有肉牛味重d
於是我地再追加揀左兩種罕有肉: 脖仁, 牛腩心
結果...牛腩心無貨😯, 我地就懶得再揀了
.
🔹 脖仁 $68
[牛頸的核心部分]
呢個簡單黎講就係吊龍伴加多d 脂肪嘅感覺
好淋身, 牛味有得黎, 偏向甜身👍🏻
.
🔹 調味料 $10
調味料
$10
9 views
0 likes
0 comments
講完晒d 牛, 不得不說佢個秘制牛肉汁真係好好食🤤
好似燒汁咁甜甜地, 將牛嘅味道完美升華
同事直頭話想買一支返去(如果可以的話)
鍾意加芫茜,蒜, 蔥都無問題, 但豉油真係可以唔使裝啦🙅🏻♂牛已經好夠味
.
🔹 油麥菜 $28
油麥菜
$28
20 views
0 likes
0 comments
佢用一個小型米缸黎裝, 個樣幾得意
食完晒d 肉, 終於可以食菜同d 豆卜
我好後悔睇少左個湯底
媽...好辣呀🌶🌶🌶... 條菜完美將所有精華吸晒...我投降啦...
好在佢送左一碟哈密瓜, 我地食住咁叫埋個甜品
.
🔹 金菊玉冰凍 $18
金菊玉冰凍
$18
8 views
0 likes
0 comments
同同事一人叫左一個
好甜, 勁解辣, 味道有少少似有菊花味嘅大菜糕
但口感則似雪蛤膏, 幾好食😋
.
🔹 豆漿 $9
最後講講杯豆漿, 價格相宜之外, 味道亦唔錯
有豆味, 又唔會太甜, 幾好
.
最後埋單都係$460, 就可以食咁多刁鑽野, 真係相當唔錯
Post
