大雞大超級雞排 (Closed)

做完運動攰攰地，仲有幾個鐘先開飯，二話不說買塊雞扒頂下肚。店內提供的雞扒有幾種，主要是有皮無皮同辣唔辣的分別。我點的是皇者雞腿扒。 嘩！一塊有成7 吋咁大，即叫即炸。炸皮好chunky唔算厚，唔會成口粉， 有少少家鄉雞辣脆雞的影子。 雞肉是嫩滑的有肉汁。可能是高溫翻炸的關係，油份已逼出來，炸得幾乾身。可是味粉同胡椒鹽落得太重手，本來味道濃郁的雞扒變得有點咸。下次都是叫店員輕手D會好一點。