Video
Read full review
2019-05-04
162 views
是日拎左半日假做Body check， 檢查完畢非常肚餓，見到韓國炸雞仲要有lunch set一於試試。一講起劉在錫就會諗起Nene Chicken，雖然入座當日已經轉左女團代言，但佢既魅力依然強勁! 星期一至五12點至5點提供Main menu上沒有的午市套餐，4個人黎食就最抵，買三送一黎到叫左最出名既炸雞達人，一次試七款口味，一個人食份量剛好。呢度既食物即叫即製，等既時候可以先食入座送上的小食。泡菜比超市買到既包裝更容易入口。無咁酸之餘辣味都恰到好處，不會被嗆到。佢既泡菜吸哂蔥香，平一般泡菜更帶甜。另外有醃蘿蔔，食不同口味炸雞途中可以清新味蕾。醬油: 醬汁最稀既一款，但因為炸皮有獨特配方? 底部有汁浸住脆皮依然頗脆。與其話係醬油味，更近以日式燒肉汁。甜甜地易入口，好有驚喜!初雪: 人氣之選。原味炸雞上舖滿芝士粉，幾乎一半食炸雞既客人都會點佢。如果嗌全份初雪炸雞視覺效果應該幾震撼。附上一片類似薯片既野，應該係木薯片。大蔥: 以Wasabi為基底，面頭舖上好多大蔥絲，重口味卻又好過癮。呢隻wasabi汁少少吉脷但唔刺鼻，我心水top 3之一。甜辣: 佢既醬汁好似麥芽糖咁包住炸雞，凍左都
一講起劉在錫就會諗起Nene Chicken，雖然入座當日已經轉左女團代言，但佢既魅力依然強勁!
星期一至五12點至5點提供Main menu上沒有的午市套餐，4個人黎食就最抵，買三送一
黎到叫左最出名既炸雞達人，一次試七款口味，一個人食份量剛好。呢度既食物即叫即製，等既時候可以先食入座送上的小食。
泡菜比超市買到既包裝更容易入口。無咁酸之餘辣味都恰到好處，不會被嗆到。佢既泡菜吸哂蔥香，平一般泡菜更帶甜。另外有醃蘿蔔，食不同口味炸雞途中可以清新味蕾。
醬油: 醬汁最稀既一款，但因為炸皮有獨特配方? 底部有汁浸住脆皮依然頗脆。與其話係醬油味，更近以日式燒肉汁。甜甜地易入口，好有驚喜!
初雪: 人氣之選。原味炸雞上舖滿芝士粉，幾乎一半食炸雞既客人都會點佢。如果嗌全份初雪炸雞視覺效果應該幾震撼。附上一片類似薯片既野，應該係木薯片。
大蔥: 以Wasabi為基底，面頭舖上好多大蔥絲，重口味卻又好過癮。呢隻wasabi汁少少吉脷但唔刺鼻，我心水top 3之一。
甜辣: 佢既醬汁好似麥芽糖咁包住炸雞，凍左都唔會變淋。辣度非常微，雞肉仲超juicy啦～ 如果同朋友黎食half half炸雞會再encore!
黃芥辣: 個人覺得太濃味，芥辣醬似枝裝唧出既味道。Main menu無呢款味道所以應該無機會再食到。
白郡主: 最愛既味道! 好多人話係乳酪味，我就覺得係奶香味混好light既純乳酪。佢既yoghurt唔酸架，連炸雞食好舒服。加埋洋蔥食又係另一種風味呀。
廚師: 三句字形容係辣濃香。食第一啖要謹慎呀，細細啖已經辣到我飲左三分一杯水。結果要刮走辣醬先食到，唔係食大辣既人要避開了。
最後食個沙律，因為用左芝士煙肉味沙律醬，頓時唔覺得食緊素。好味。
下次約齊四個人再黎食過，buy 3 get 1 !
Post
